Turîstên Iraqî herî zêde tên Tirkiyeyê

Tirkiye di qada turîzmê de xwedî cihekî taybet e, ji ber vê ji welatên cînar gelek kes ji bo tetîl û bêhnvedanê tên Tirkiyeyê

Turîstên Iraqî herî zêde tên Tirkiyeyê

Tirkiye bi dîrok, û xwezaya xwe her ku diçe zêdetir bala turîstên Iraqî dikşîne.

Tirkiye di qada turîzmê de xwedî cihekî taybet e, ji ber vê ji welatên cînar gelek kes ji bo tetîl û bêhnvedanê tên Tirkiyeyê.

Turîstên Iraqî an bi otobês an jî bi balafiran tên Tirkiyeyê, bêhna xwe didin û cihên dîrokî digerin.

Li bajarên başûr kesên ku dixwazin herin Tirkiyeyê tên Kerkûk û Hewlêrê li wir beşdarî turên şirketan dibin.

Hidayet Mehdiyê xwedî şirketa gerê ye got ji meha hezîranê vir va bi tenê ji Kerkûkê rojê herî kêm 500 kes çûne Tirkiyeyê û wiha axivî: "Piştî Kerkûk û Hewlêrê ji Bexda, Salahaddîn û Diyalayê jî gelek turîst diçin Tirkiyeyê. Îsal hejmara wan pir zêde bû."

Sermet Îbrahîmê ku ji Kerkukê bi otobêsê va diçe Tirkiyeyê got Tirkiye ji hêla çand û turîzmê va nêzîkî çanda wan e û wiha axivî: "Em çûn Behra Reş, lê vê carê emê herin herêma Behra Spî, Antalya û Marmarîsê."

- "Em diçin welatê siltanan"

Îmad Hadiyê ji Bexdayê Tirkiyeyê wek "welatê siltanan" bi nav kir û wiha axivî: "Em her sal havînê teqez diçin Tirkiyeya 'welatê siltanan'. Em gelek caran çûn Stenbolê, lê vê carê em dixwazin li wir cihên cuda bibînin."

Saman Nehro û Abdullah Taha jî behsa çand, xweza û turîzma Tirkiyeyê kirin û gotin ew ji ber van diçin Tirkiyeyê.

Faysal Soyerê ku li Hewlêrê di şirketeke Tirkan de wek rêvebir dixebite jî got ji ber ku havîn e û dibistan tetîl in rojê 4 otobês bi tijî diçin Tirkiyeyê.

Soyer got Iraqî ji bilî turîzmê ji bo tedawiya nexweşiyan jî diçin Tirkiyeyê.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE