Çêkirina xalîçeyên Gazîentabê bi destê zanîngehê fêrî nifşên nû dikin

Li Gazîentabê xalîçeyên ku berê zêde dihatin çêkirin, lê îro kêm bûne bi destê Navenda Pêşxistin û Parastinê ya Hunerên Destan a Zanîngeha Gazîentabê cardin zindî dibe.

Çêkirina xalîçeyên Gazîentabê bi destê zanîngehê fêrî nifşên nû dikin

Li Gazîentabê berê di 7 hezar dezgeyan de xalîçe dihatin çêkirin, lê di roja me de çêkirina wan her ku diçe kêm dibe.

Li Navenda Pêşxistin û Parastinê ya Hunerên Destan a Zanîngeha Gazîentabê perwerdeya xalîçeçêkirinê dide mirovan ku ev pîşe ji holê ranebe.

Berê pirç, mû û hiriya ga, hêştir, hesp, mih û bizinan va xalîçeyên Entabê dihatin çêkirin. Lê îro bi tayên akrîlîk, qedîfe û polyester va xalîçeyên rengîn tên çêkirin.

Di xalîçeyan de neqşên baskê çûkan, perçeyê peqlaweyan û cureyên din tên çêkirin.

Ahmet Ozbekê (50) li Navenda Pêşxistin û Parastinê ya Hunerên Destan a Zanîngeha Gazîentabê mamoste ye ji nûçegihanê AAyê ra daxuyand berê li bajêr di 7 hezar dezgeyan de xalîçe dihatin çêkirin, ev kar jî karê bav û kalê wî ye.

Ozbek got xalîçe berê gelekî dihatin bi kar anîn, di mala her kesî de dezgehek hebû û wiha axivî: "Li bajêr çêkirina xalîçeyan di nav çar û pênc pîşeyan de pîşeyekî girîng bû. Qîza xwe nedidanê kesê ku xalîçe çênedikirin."

Ozbek behsa rewşa niha kir û got ew ji sibê hetanî êvarê anxaç xalîçeyekî çêdike, lê dezgeyên mekanîk niha zû bi zû xalîçeyan çêdikin û wiha dewam kir: "Ji bo ku ev huner bijî ez hatim zanîngehê. Ez hê jî hewl didim. Armanca me ew e ku kesên hunerên destan diparêzin û pêşva dibin zêde bibin. Em tecrube û zanîna xwe hînî hevalên xwe yên li vir dikin. Xebatkarên zanîngehê, xwendekar dema bixwazin tên perwerdeyê dibînin."

Mamoste Ozbek got ji bilî xebatkar û xwendekarên zanîngehê mehkûmên ji serbestiya bikontrol sûdê werdigrin, kesên ji beşa endezyariya tekstîl û xalîçeyê û welatiyên vî karî meraq dikin jî tên navendê ku hînî vî pîşeyî bibin.

 

 

AA

Dîroka nûkirinê: 07 Tebax 2018, 15:21
Şîrove Bike
NÛÇEYA DI RÊZÊ DE