Diyarbekirî di malên xwe da ji xebatên huner û çandê îstifade dikin

Diyarbekirî di malên xwe da ji xebatên huner û çandê îstifade dikin

 Xebatên hunerî yên wek helbest, şano, konser û gotûbêjê ku ji alî Şaredariya Bajarê Mezin a Diyarbekirê va dihatin kirin ji ber şewba vîrusa koronayê (Kovîd-19) hatibûn sekinandin lê şaredarî niha wan xebatan bi projeya "Her Malek Navenda Çandê ye" va birêva dibe û ji bo şêniyên bajarê Diyarbekirê online diweşîne.

Serokatiya Karên Çandî û Civakî ya Şaredariya Bajarê Mezin a ku lê wezîfedarkirin ji alî Wezareta Karên Navxweyî va hatibû kirin, meha borî di çarçoveya rê û rêgezên şewbê da xebatên çand û hunerê da destpêkirin û ew rastî eleqeyeke mezin hatin. Serokatiya Karên Çandî û Civakî xebatên xwe di çarçoveya projeya "Her Malek Navenda Çandê ye" da xebatên hunerî yên wek helbest, şano, konser û gotûbêjê birêva bir û ji ser hesabên medyaya civakî diweşîne û dixwaze Diyarbekirî jê îstifade bikin.

Serokê Daîreya Karên Çand û Civakî Alî Çelîk daxuyanî da nûçegihanê AAyê û got ku di meha mijdarê da li gor rê û rêzikên şewba Kovîd-19ê wan dest bi pêşangeh, şano û weşandina fîlman kirin. Çelîk destnîşan kir ku ji ber di dawiya meha mijdarê da sînordarkirin zêde bûn organîzasyonên wê bikirina jî ji mecbûrî betal bûn û wan jî ev yek wek fersend nirxandin û dest bi xebateke nû kirin.

Di axaftina xwe da Çelîk got: "Em li ser mijarê sekinîn û me got ku gelo em van xebatên hanê çawa dikarin pêşkêşî Diyarbekiriyan bikin û bibin malên wan. Li ser vê jî projeya Her Malek Navenda Çandê ye derket holê û me li gor wê bernameyek amade kir. Şêniyên Diyarbekirê ji ber şewbê nikarin ji xebatên me yên wek şano, sînema, helbest û pêşangehan îstifade bikin û me xwest ku bila ev asteng ji holê rabe."

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE