"Festîvala Muzîkê ya Zarokan ya Xalîçeya Bayî"

Li Mêrdînê "Festîvala Muzîkê ya Zarokan ya Xalîçeya Bayî" ku biryar e hefteyekê bajo, dest pê kir.

"Festîvala Muzîkê ya Zarokan ya Xalîçeya Bayî"

Li Mêrdîna bajarê xweşbînî û şaristaniyê "Festîvala Muzîkê ya Zarokan ya Xalîçeya Bayî" ku biryar e hefteyekê bajo, dest pê kir.

Festîval bi hevkariya Komeleya li Her derê Huner û Muzeya Mêrdînê û bi beşdariya 27 muzikjenên ji 5 welatan, bi meşa kortejê dest pê kir.

Meşa ku ji Muzeya Sabanciyê dest pê kir û gihişt Qada Komariyê, tê de sembolên Mêrdînê, çîpên textikî, palyoço, poşakên dîrokî û zarokên ku li remorka traktorê siwar bûn cih girtin.

Di meşê de bi zimanên cuda sitran hatin gotin û piştî meşê li hewşa Muzeya Mêrdînê hunermendên xwemalî û biyanî konser dan.

- "Armanca me ew e em 12 hezar zarok bicivînin"

Rêveberê Muzeya Mêrdînê Nîhat Erdogan anî ziman ku dixwazin bi vê festîvalê zarokan kêfxweş bikin û wiha got, "Hêviya me ew e ku zarok bi aramî û bextewerî ber bi siberojê ve biçin. Armanca me ew e di vê festîvalê de em 12 hezar zarok bicivînin. Em herkesî dawetî festîvalê dikin."

Hat ragihandin ku ji derveyî welêt ji welatên weke Amerîka, Îran, Îtalya û Sirbistanê 27 muzikjen beşdarî vê festîvalê dibin. Li seranserê hefteyê dê atolye li Mêrdînê û li Nisêbînê li navendê Sîrkxaneyê bidomin.

Dê girtina festîvalê 15ê temûzê li Nisêbînê be.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE