Hosteyê dîz û kûzan ê Yêmenî pîşeyê bav û kalan didomîne

Hosteyê dîz û kûzan ê Yêmenî pîşeyê bav û kalan didomîne

 Li Yêmenê Salih ez-Zubeyriyê hosteyê dîz û kûzan ku pîşeyeke li ber wendabûnê ye, digel şertên şerê navxweyî hewl dide ku pîşeyê xwe fêrî nifşên nû bike.

Li gorî dîrokzanan li Yêmenê dîroka çêkirina dîz û kûzan vedigere 4 an jî 5 hezar sal berê. Li herêmên cuda yên li welêt axa ku bi rêbazên kevneşopî tê amadekirin, ji hin qonaxan derbas dibe û herî dawî jî pê alavên xemlê û yên nava malê tên çêkirin.

Li Yêmenê di salên şer û dorpêçê da endustriya dîz û kûzan ji ber xirabûna şert û mercên aborî û jiyanê yên gel, ket tengasiyeke mezin.

Mîna gelek welatan li Yêmenê jî karê çêkirina dîz û kûzan li ber wendabûnê ye û lewma jî hosteyên vî karî pir hewl didin û dixebitin da ku ev pîşe wenda nebe û neyê jibîrkirin.

Salih ez-Zubeyriyê 60 salî yê hosteyê dîz û kûzan ê ji herêma Mezbaha paytext Sanayê ji peyamnêrê AAyê ra diyar kir ku gava ew 10 salî bû, wî pîşeyê dîz û kûzan nas kir.

Zubeyriyê ku li Yêmenê wekî yek ji hosteyên herî jîr ê dîz û kûzan tê naskirin, bal kişand ku ev, pîşeyê bav û kalan e, lêbelê ji ber şerê navxweyî û dorpêçê berhemên tên çêkirin, nayên firotin.

Zubeyrî wiha axivî, "Em her cure derdanên xwarin û vexwarinê çêdikin. Her wisa derdanên pehtina xwarinên firinê, carinan peyker û alavên antîqe û xemlê em çêdikin. Ev berhem bi xebateke dûr û dirêj kuta dibin."

Zubeyrî bal kişand ku qezenceke baş a vî karî tuneye, bi tenê ji bo ku neyê jibîrkirin ew vî pîşeyî didomîne û wiha dewam kir, "Digel ku rêjeya firotinê zehf daketiye, ez ê dest ji pîşeyê xwe venekişînim. Ez ê xebata xwe bidomînim da ku nifşên nû fêrî vî pîşeyî bibin."

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE