608 koçberên Iraqî yên din ên li ser sînorê Belarûs-Polonyayê vegeriyan welatê xwe

608 koçberên Iraqî yên din ên li ser sînorê Belarûs-Polonyayê vegeriyan welatê xwe

Hat ragihandin, 608 Iraqiyên din jî vegeriyan welatên xwe ku dixwestin biçin Ewropayê lêbelê li ser sînorê Belarûs-Polonyayê mehsûr man.

Ebas Umranê midûrê şirketa veguhestinê ya girêdayî Wezareta Veguhestina Iraqê, di daxuyaniya xwe ya nivîskî da diyar kir, ji bo vegerandina Iraqiyên navborî, du balafir hatin terxankirin.

Umran destnîşan kir, bi du balafirên Rêhewayên Iraqê va 608 koçberên din jî hatin vegerandin û ev koçberên navborî ji Balafirgeha Mînskê hildan û birin balafirgehên li Hewlêr û Bexdayê.

Rêveberiya Bexdayê di 18ê Mijdarê da ragihandibû, 430 welatiyên wan ên li ser sînorê Belarûs-Polonyayê mehsûrmayî hatin vegerandin.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE