Artêşa Libyayê: Milîsên Hefter bi êrîşa moşekan va agirbest binpê kirin

Artêşa Libyayê daxuyand milîsên Xelîfe Hefter ên nemeşrû agirbest binpê kirin û îşev bi moşekan va êrîşî hêzên artêşê yên li rojavayê Sîrteyê kirin.

Artêşa Libyayê: Milîsên Hefter bi êrîşa moşekan va agirbest binpê kirin

Artêşa Libyayê daxuyand milîsên Xelîfe Hefter ên nemeşrû agirbest binpê kirin û îşev bi moşekan va êrîşî hêzên artêşê yên li rojavayê Sîrteyê kirin.

Berdevkê Daîreya Operasyona Hevpar a Sîrte û Cufrayê yê girêdayî artêşa Libyayê Ebdulhadî Dirax di peyama xwe ya bideng da wiha got: "Hêzên dijmin ên serhildêr îşev agirbest binpê kirin, ji 12yan zêdetir moşek avêtin herêmên ku hêzên me yên artêşê lê ne. Kes nemir û birîndar nebû."

Dirax got êrîş li xaçerêya Nexleyê ya nêzîkî herêma 30emîn a di destê artêşa Libyayê da ye çêbû.

- Li Libyayê biryara agirbestê

Serokwezîrê Libyayê Fayîz es-Serrac û Akile Salihê Serokê Meclisa Nûneran a Tobrukê yê mitefîqê siyasî Xelîfe Hefter e di 21ê Tebaxê roja înê daxuyandin ku wan biryara agirbestê daye.

Li gor agirbestê Sîrte û Cufra wê ji çekan bên xalîkirin, li welêt hilberîna neftê û îxraca wê cardin dest pê bike, eskerên bipere wê ji welêt derkevin, hilbijartinên giştî û ya Konseya Serokatiyê di meha adarê da bê kirin.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE