Serokê Amerîkayê Joe Bîden diyar kir ku ew wisa bawer dike Serokê Dewleta Rûsyayê Valadimir Putîn biryar daye Ukraynayê dagir bike.
Bîden li Qesra Spî civîna çapemeniyê li dar xist û di qeyrana Ukraynayê da rûdanên dawîn ên qewimîn nirxand û pirsên rojnamegeran bersivand.
Di axaftina xwe da Bîden got: "Di rojên dawîn da em dibînin ku hêzên Rûsya piştgirên wan e gelek caran agirbestê binpê dikin. Ew sûcê wan êrîşên li Donbassê diqewimin jî diavêjin ser Ukraynayê."
Bîden destnîşan kir ku Rûsya pir cidî kampanyayên dezenformasyonê birêva dibe û ew hemû xebat jî bi hinceta Rûsya bikaribe Ukraynayê dagir bike tên kirin.
Di berdewamiya axaftina xwe da Bîden bal kişand ser 150 hezar eskerên Ûris ên li ser sînorê Ukrayna û Belarûsê û wiha domand: "Rûsya di hefteyên pêş me da wê dest bi êrîşan bike ji ber ku sedemên me hene em xwedî vê qinaetê ne. Em wisa bawer dikin wê êrîşî Kîev a paytextê Ukraynayê ku 2 milyon û 800 hezar sivîl lê dijîn jî bike."
Rojnamegerekî di pirsa ji bo Bîden da got: "Gelo hûn bawer dikin ku Putîn ji bo dagirkirina Ukraynayê biryar daye?" û li ser vê pirsê Bîden jî got: "Erê, ez wisa bawer dikim ku niha Putîn ji bo vê biryar daye."
AA
