Derket holê ku 11 eskerên Amerikayê piştî êrîşê tên dermankirin

CENTCOMê diyar kir ku hetanî nika 8 esker şandin Landstuhlê 3 esker şandin Arîfcanê

Derket holê ku 11 eskerên Amerikayê piştî êrîşê tên dermankirin

Fermandariya Hêzên Navendî ya Amerikayê (CENTCOM) diyar kir ku piştî êrîşa İranê biribû ser Baregeha Eyn el-Esed a li Irakê ya Amerikayê 11 eskerên di êrîşê da mêjiyê wan lerizîbûn sewqî navenda tenduristiya eskerî yên li Kuveyt û Almanyayê kirin.

Mîralay Bîll Urbanê Berdevkê CENTCOMê got, "İranê di 8ê rêbendanê da êrîşî Baregeha Eyn el-Esedê kir tu eskerekî Amerikayê nemir, lê ji ber teqînan mêjiyê hin eskeran lerizî û dermankirina wan dewam dike."

Urban got li gor prosedurê dema teqînek çêbe eskerên li herêmê ji kontrolê derbas dikin û wiha pê da çû: "Ji bo tevdîrê me piştî êrîşê esker ji kontrolê derbas kirin, hinekên wan şandin Navenda Tenduristiya Herêma Landstuhlê ya li Almanyayê û hinekên wan jî şandin Tesîsên Kampa Afîrcanê ya li Kuweytê.

Urban got piştî dermankirinê eskerê vegerin Irakê û wiha pê da çû: "Hetanî nika 8 esker şandin Landstuhlê 3 esker şandin Arîfcanê."

Amerikayê di 3yê rêbendanê da li tanga Balafirgeha Bexdayê êrîşî Qasim Silêmaniyê Fermandarê Hêza Qudsê ya Mihafizên Şoreşa İranê kiribû û ew kuştibû, li ser vê İranê di 8ê rêbendanê da fuze avêtibûn baregehên Amerikayê yên li Irakê.

Dîroka nûkirinê: 17 Çile 2020, 16:40
Şîrove Bike
NÛÇEYA DI RÊZÊ DE