Di êrîşên rejima Esed û Rûsyayê ên li Idlibê de 4 sivîl hatin kuştin

Di encama êrîşên bejayî û asîmanî yên rejima Beşşar Esed û Rûsyaya piştevana wê de yên li dijî Herêma Kêmkirina Rageşiyê, 4 sivîlên din hatin kuştin.

Li gorî çavdêrîxaneya eskerî ya mixalifan, balafirên cengê  yên Rûsyayê destê sibehê bi awayekî çirr navçeya Daret Îzzeyê û gundên Bisenkul, Musaybîn, Cebel el- Erbeîn, El Ramî, Kefer Amme, Taqed û Ebzîmoyê kirin armanc.

Li Ebzîmoyê 3 sivîlan canê xwe ji dest da.

Hêzên rejimê gundên Kefer Amme û Taqedê ji asîmanan ve kire armanc û bajarokên Dana û Kefernebîlê jî topbaran kirin.

Di encama topbarana bajarokê Danayê de ku bi qasî 5 kîlometroyan dûrî sînorê Tirkiyeyê ye, sivîlek hat kuştin.

AA