Serokê Amerîkayê Donald Trump telîmat dabû ku bila hemû piştevaniya darayî ya di hêla alîkariyên mirovahî da Amerîka dide Ajansa Alîkariya Penaberên Filistînî ya Neteweyên Yekbûyî (UNRWA) bê sekinandin û ev biryar ket rewacê. Rayedarên Filistînî jî ji ber vê tevgerê bertek nîşanî Amerîkayê dan.
Wezîrê Karên Derva yê Filistînê Riyad el-Malikî daxuyaniyeke nivîskî weşand û destnîşan kir ku rêveberiya Fiilistînê wê li hemberî rêveberiya Amerîkayê li ber xwe bide û UNRWA jî heta ku pirsgirêka penaberên Filistînî neyê helkirin wê hebûna xwe bidomîne.
Malikî got ku birayara Amerîkayê ya polîtîkaya zordestiyê wê ji hêla gelek welatan va bê rexnekirin û rêveberiya Filistînê jî ji bo parastina UNRWAyê wê bi Urdinê ra bixebite.
Di daxuyaniya xwe da Malikî bangî wezîrên karên derva yê welatên Ereb kir û jî wan xwest ku bila ji bo parastina UNRWAyê demildest hewl bidin.
- Biryara Amerîkayê li dijî qanûnên navneteweyî ye
Sekreterê Giştî yê Rêxistina Rizgarî ya Filistînê (RRF) Saîb Ureyqat jî daxuyaniyeke nivîskî weşand û got ku alîkariyên darayî yên ku Amerîkayê ji UNRWAyê birî li dijî biryara NYyê û qanûnên UNRWA li ser hat avakirin e.
Hemasê jî di daxuyaniya xwe da bertek nîşan da û ragihand ku Amerîka bi vê biryarê dixwaze rê li ber vegera penaberên Filistînî bigire û wî heqê di destê Filistîniyan da bi tevahî ji holê rake.
Amerîkayê biryar da ku di qada darayiyê da 365 milyon dolar alîkariya dida UNRWAyê bi tevahî bide sekinandin.
AA
Dîroka nûkirinê: 01 îlon 2018, 15:56