Israîlê dîsa êrîşî sivîlan kir

Li herêma Şerîaya Rojava 4 Filistînî bi guleyan birîndar kirin

Israîlê dîsa êrîşî sivîlan kir

Erîş û tundiya Israîlê ya li ser Filistînê naqede. Leşkerên Israîlê li şerîaya rojava dîsa êrîş bir ser kampa penaberan. Di êrîşan de 4 filistînî birîndar kirin.

Leşkerên Israîlê bi ser kampa penaberan a bi navê Cenînê de girtin.

Li malan geriyan û 14 Filistînî bin çav kirin.

Filistîniyên ku li hember tundiya leşkeran serê xwe netewandin, Israîl protesto kirin.

Leşkerên Israîlî bi çek û bombeyên gazê mudaxeleyî sivîlan kirin.

Di bûyeran de 4 Filistînî birîndar bûn, gelek kes jî ji gazê aciz bûn.

Di vê navberê de li Gazzeya dorpêçkirî serdaneke suprîz jî hate kirin.

Serokê Komîteya Jinûveavakirina Gazzeyê Mihammed el-Îmadî ku bixwe ji Qetarê ye bi Serokê Buroya Siyasî Hamasê Îsmail Heniyye re civiya.

Di hevdîtinê de geşedanên li Filistînê hatin axaftin û di serî de ya li Gazzeyê, ji bo tundiya li ser xelkê Filistînê xelas bibe gavên hewce hatin nirxandin.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE