Ji Kalin bo Serokê Amerîkayê Trump bersiv

Berdevkê Serokomariyê Îbrahîm Kalin: "Brêz Donald Trump, xeletiyeke zehf xeternak e ku mirov Kurdan û PKK ku di lîsteya terorê ya Amerîkayê da ye û baskê wê yê Sûriyeyê PYD/YPGyê wekî hev bibîne û miemeleyeke hemta nîşan bide.''

Ji Kalin bo Serokê Amerîkayê Trump bersiv

Berdevkê Serokomariyê Îbrahîm Kalin li ser peyama Serokê Amerîkayê Donald Trump a der heqê Sûriyeyê da wiha daxuyand, "Brêz Donald Trump, terorîst nikarin bibin hevkar û mitefiqên we. Tirkiye li bendê ye ku Amerîka berpirsiyarên xwe yên hevkariya stratejîk bîne cih û herwiha ev yek jî di bin siya propagandaya terorê da nemînin"

Kalin ji ser hesabê xwe yê Twitterê bersiv da peyama Trump a ku gelek kesî bertek nîşan da û wiha got, "Brêz Donald Trump, xeletiyeke zehf xeternak e ku mirov Kurdan û PKK ku di lîsteya terorê ya Amerîkayê da ye û baskê wê yê Sûriyeyê PYD/YPGyê wekî hev bibîne û miemeleyeke hemta nîşan bide. Tirkiye dibêje têkoşîna dijî terorîstan, ne dijî Kurdan. Em ê Kurdan û Sûriyeyiyên din li dijî gefa terorê biparêzin." 

Berdevk Kalin wiha berdewam kir, "Brêz Donald Trump, terorîst nikarin bibin hevkar û mitefiqên we. Tirkiye li bendê ye ku Amerîka berpirsiyarên xwe yên hevkariya stratejîk bîne cih û herwiha ev yek jî di bin siya propagandaya terorê da nemînin."

Trump ji ser Twitterê ragihandibû ku Amerîkayê dest bi vekişîna ji Sûriyeyê kir û têkoşîna dijî DEAŞê jî wê berdewam be.

Serokê Amerîkayê gefa aboriyê li Tirkiyeyê xwaribû heger PKK/YPGyê ji xwe ra bixe hedef û herwiha destnîşan kiribû ku ew ê li deverê, herêmeke ewle ku ji 20 mîlan pêk tê ava bikin.

AA

Dîroka nûkirinê: 16 Çile 2019, 15:04
Şîrove Bike
NÛÇEYA DI RÊZÊ DE