Li Afganistanê di êrîşa Amerikayê da 10 sivîl hatin kuştin

Li herêma Şîndentê ya wilayeta Heratê ku dikeve rojavayê Afganistanê, hêzên Amerikayê êrîşa esmanî kir û di êrîşê da 6 jê jin û zarok, 10 svîl hatin kuştin.

Li Afganistanê di êrîşa Amerikayê da 10 sivîl hatin kuştin

Li gor rapora ku Komîsyona Mafên Mirovan a Serbixwe ya Afganistanê (AIHRC) eşkere kir, li herêma Şîndentê di 8ê rêbendanê da hêzên NATOyê ku Amerika pêşengiya wan dike, êrîşî kozikên Talibanê kirin û di êrîşan da 10 sivîl hatin kuştin, 5 sivîl birîndar bûn.

Di êrîşê da 3 zarok û 3 jin hatin kuştin, 2 zarok jî birîndar bûn.

AIHRCê bangî hêzên biyanî û xwecî yên li Afganistanê kir ku di pevçûnan da sivîlan biparêzin û baldar bibin û wiha got, "Di pevçûnên Afganistanê da em ditirsin ku jimara sivîlên zirardîde zêdetir bibin û mafên mirovan ên navneteweyî eşkeretî werin binpêkirin."

Mîsyona Alîkariyê ya Afganistanê (UNAMA) ya Neteweyên Yekbûyî (NY) daxuyandibû ku li Afganistanê di nav 10 salan da ji 100 hezarî zêdetir sivîl hatin kuştin an jî birîndarkirin.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE