Li Endonezyayê lehî

Lehiya ku li eyaleta Cavaya Rojava rabû tesîr ji 24 hezarî zêdetir kesî kir

Li Endonezyayê lehî

Hat ragihandin ku lehiya ku ji serê hefteyê va li eyaleta Cavaya Rojava ya Endonezyayê derket tesîreke neyinî li ser 24 hezar û 813 kesan kir.

Berdevkê Ajansa Birêvebiriya Bobelatê ya Neteweyî (BNPB) Sutopo Purwo Nugroho daxuyaniya xwe da got ku ji bajarê Bandung û derûdora wê ku di bin tesîra lehiyê ma da 700 kes şandin herêma ewledar.

Nugroho da zanîn ku li herêma ku bobelat lê çêbû 24 hezar û 813 kes man di bin tesîra lehiyê da û got ku 8 hezar û 271 avahiyan jî xisar dît.

Nugroho ragihand ku li herêmê heta 22yê nîsanê rewşa acîl hat îlankirin û xebatên ji bo arîkariya afatzedeyan didomin.

Di lehiya ku meha borî li eyaleta Papuayê çêbûbû da ji 100î zêdetir mirov miribûn.

Li Endonezyaya ku lê baranên Musonê dibarin û av û hewaya tropîkal lê heye tevahiya salê ji ber şiliya zêde gelek caran av radibe û hezaz çêdibin.

AA

Şîrove Bike
NÛÇEYA DI RÊZÊ DE