Li Filipînê bi mezinahiya 6,5ê erdhej çêbû

Di erdhejê da 3 kes mirin û 6 kes jî birîndar bûn...

Li Filipînê bi mezinahiya 6,5ê erdhej çêbû

Li Girava Mîndanaoya ku dikeve başûrê Filipînê erdhejeke ku mezinahiya wê 6,5 e çêbû. 

Li gor nûçeya CNN Phîlîppînesê Wezareta Refahê ya Civakî di erhejê da herî kêm 3 kes mirin û 6 kes jî birîndar bûn.

Li gor agahiyan, erdhejê herî zêde li bajarên Makîlala û Cotabato tesîr kir û kesên mirî jî vir in. 

Li bajarê Davaoyê jî 6 kes birîndar bûn. Birîndar rakirin nexweşxaneyê. 

Li gor daxuyaniya ku ji Enstîtuya Lêkolînên Erdhej û Volqanê ya Filipînê hat dayîn, erdhej li herêma Tulunanê li bajarê Cotabatoyê, 2 kîlomêtro di bin erdê da çêbû. 

Erdhej li bajarên Kîdapawan, Koronadal û Gîngoogê jî hat hîs kirin. 

Li herêma Kîsanteya li Girava Mîndanaoyê 29ê Cotmehê erdhejeke ku mezinahiya wê 6,6 e çêbû û di encamê da 8 kes miribûn û bi sedan kes jî birîndar bibûn. 

AA

Dîroka nûkirinê: 31 Cotmeh 2019, 16:57
Şîrove Bike
NÛÇEYA DI RÊZÊ DE