Li Iraqê Muqteda es-Sedrê pêşengê Tevgera Sadr bangî karmendan kir ku seba piştgiriya xwepêşandêran greva giştî bikin. Li ser vê bangewaziyê li 4 bajarên başûrê welêt sibê tetîl hat îlankirin.
Sedrê pêşengê siyasî û dînî yê şîe, ser hesabê xwe yê medyaya civakî daxuyaniya nivîskî da û got, "Heke firsend ji dêst here welêt wê winda be. Welatê min ji xebatê girîngtir e." û xwest ku karmendên dewletê roja yekşemê greva giştî bikin.
Sedr diyar kir ku sektora tenduristiyê tevî grevê nîne.
Piştî bangewaziya Sedr, Walîtiya Dîwaniye, Meysan, Zîqar û Babîlê daxuyand ku roja yekşemê hemû saziyên dewletê yên fermî wê tetîl be.
Li Iraqê li çendîn herêman ji bo protestokirina bêkarî, gendelî û kêmasiya xizmetên qamûyê xwepêşandan tên lidarxistin. Çalakvanên ku 1ê cotmehê dest bi xwepêşandanan kiribûn, ji ber merasimên Erbaînê navber dabûn, lê 25ê cotmehê cardin dest bi xwepêşandanan kiribûn.
AA
Dîroka nûkirinê: 21 Mijdar 2019, 17:07