Li Iraqê înternet hat sekinandin

Li Bexdaya paytextê Iraqê û bajarên li navîn û başûrê welêt xizmeta înternet hat sekinandin.

Li Iraqê înternet hat sekinandin

Li Iraqa protestoyên li dijî hikûmetê dewam dikin li Bexdaya paytext û bajarên li navîn û başûrê welêt xizmeta înternet nayê dayîn.

Wekî mayîn li Bexdayê hêzên ewlekariyê Pireya Ehrarê ya ji 3 pireyên derdikevin Herêma Kesk yek e bi barîtyerên beton girtin. Li paytextê pireyên Cumhuriyet û Sînekê bi rojan e ji ber çalakiyan hatibûn girtin.

Hêzên ewlekariyê bi fîşengên rastî midaxeleyî çalakvanan dikin û dengê guleyan ji gelek herêmênpaytextê tê bihîstin. 

- Protestoyên li Iraqê

Li Iraqê li dijî bêkarî, gendelî û kêmasiya xizmetên dewletê li gelek herêman protesto tên lidarxistin. Çalakvanên di 1ê cotmehê da dest bi protestoyan kirin, ji ber merasimên Erbeînê navber dabûn çalakiyan û di 25ê cotmehê da dîsa dest bi çalakiyan kiribûn.

Di çalakiyên li gelek ciyên welêt hatin kirin da ji serê cotmehê vir da herî kêm 200 kes hatin kuştin û kêmzêde 8 hezar kes jî birîndar bûn.

Neteweyên Yekbûyî jî diyar kiribû ku ji destpêka çalakiyan vir da 229 çalakvan hatin kuştin.

AA

Dîroka nûkirinê: 07 Mijdar 2019, 17:59
Şîrove Bike
NÛÇEYA DI RÊZÊ DE