Li Iraqê xwepêşandêrên dijî encamên hilbijartinê rêya Herêma Kesk girtin

Li Iraqê xwepêşandêrên dijî encamên hilbijartinê rêya Herêma Kesk girtin

Li Iraqê bi sedan kesên encamên hilbijartinê qebûl nakin, berî diyarbûna biryara darazê ya serîlêdana betalkirina encaman, rêya Herêma Kesk a li paytext Bexdayê girtin.

Li gorî agahiya ku ji çavkaniyên ewlekariyê hat wergirtin, bi sedan xwepêşandêrên girêdayî Hevpeymana Fethê ya Şîe û baskên siyasî yên Heşda Şabî berî biryara Dadgeha Bilind a Federal a Iraqê ketin liv û tevgerê.

Qelebalixa ku ber bi Herêma Kesk nêzîk bû ya ku avahiyên hikûmetê û nûnertiyên mîsyonên biyanî lê ne, rê girtin.

Li hemberî îhtimala dibe ku xwepêşandêr biavêjin ser herêmê, yekîneyên eskerî yên zêdetir bo rêya derbasî Herêma Kesk dibe, hatin sewqkirin.

Dadgeha Bilind a Federal a Iraqê îro dê bicive, îtiraza li ser encamên hilbijartinê binirxîne. Biryara ku dê dadgeh bide, dawî ye û rêya temyîzê tuneye.

Li Iraqê di hilbijartina giştî ya parlamenteriyê ya pêşwext a 10ê Cotmehê da Hevpeymana Fethê ya Şîe û baskên siyasî yên Heşda Şabî yên nêzîkî Îranê şikestineke mezin xwaribûn û lewma jî encamên hilbijartinê qebûl nakin.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE