Li Kerkûkê di êrîşa ser baregeha eskerî da kesek hat kuştin

Koalîsyona dijî DEAŞê ya Amerîka pêşengiya wê dike, daxuyand ku li Kerkûkê bi roketan êrîşî Baregeha Eskerî ya K1ê ku eskerên Amerîkayê jî lê ne, kirin û di êrîşê da personelekî sivîl ê bi peyman hat kuştin, gelek eskerên Amerîkayî û Iraqî birîndar bûn.

Li Kerkûkê di êrîşa ser baregeha eskerî da kesek hat kuştin

 Koalîsyona dijî DEAŞê ya Amerîka pêşengiya wê dike, daxuyand ku li Kerkûkê bi roketan êrîşî Baregeha Eskerî ya K1ê ku eskerên Amerîkayê jî lê ne, kirin û di êrîşê da personelekî sivîl ê bi peyman hat kuştin, gelek eskerên Amerîkayî û Iraqî birîndar bûn.

Di daxuyaniya nivîskî ya koalîsyonê da wiha hat gotin: "27ê berfanbarê li gor saeta Iraqê di 7:20î da li Kerkûkê bi roketan êrîşî baregeheke eskerî ku eskerên koalîsyonê jî lê ne, kirin û di êrîşê da personelekî sivîl ê bi peyman ê Amerîkayî hat kuştin, gelek eskerên Amerîkayî û Iraqî birîndar bûn.

Di daxuyaniyê da hat gotin ku hêzên asayîşa Iraqê li ser bûyerê tedqîq û lêpirsînê dike.

Midûrê Polêsan ê Kerkûkê Elî Kemal daxuyanî da nûçegihanê AAyê û got ku DEAŞa rêxistina terorê li rojavayê bajêr 3 fuzeyên katyuşayê avêtin Baregeha Eskerî ya K1ê ku eskerên Amerîkayê jî lê ne.

DEAŞa rêxistina terorê di hezîrana 2014an da temamiya wilayetên Misûl, Salahaddîn û Enbarê û qismekî bajarên Diyala û Kerkûkê bi dest xistibûn, herêmên navborî piştî salan ji destê rêxistinê hatibûn derxistin.

Her çend Iraq ji DEAŞê hat paqijkirin û 2 sal ser ra derbas bû jî, li deverên çiyayî yên herêmên navborî hê êrîşên rêxistinê dewam dikin.

Li Iraqê digel Baregeha Eskerî ya K1ê 8 baregehên eskerî yên Amerîkayê hene.AA

Dîroka nûkirinê: 28 Kanûn 2019, 17:21
Şîrove Bike
NÛÇEYA DI RÊZÊ DE