Li qeraxên Fasê boteke koçberan binav bû: 22 mirî

Li gor agahiyan bota koçberên bêdestûr ya roja sêşemê ji Alhucemasa bajarê Fasê derketibû rê binav bû.

Li qeraxên Fasê boteke koçberan binav bû: 22 mirî

Li Behra Alboranê boteke ku koçberên bêdestûr tê de bûn û dixwestin ji Fasê biçin Îspanyayê binav bû. Di bûyerê da 22 kes mirin.

Li gor nûçeyên ku li çapemeniyê Îspanyayê derketin, bûyer di navbera başûrê Îspanyayê û qeraxên Fasê da çêbû.

Li gor agahiyan bota koçberên bêdestûr roja sêşemê ji Alhucemasa bajarê Fasê derketibû rê û li behra Alboranê binav bû.

Li gor agahiyan di botê da 49 kes hebûn û ji wan 27 kes jî hêla ferîbotekê va hatin xilaskirin.

Ji koçberan 6 kesên ku rewşa giran bû bi firokeyê rakirin nexwaşxenaya li bajarê Almerîayê.

Koçberên din jî bi keştiyê birin bêndergeha Motrîlê.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE