Li Rûsyayê hejmara pêketiyên Kovîd-19ê ev mehek e zêde dibe

Li Rûsyayê hejmara pêketiyên Kovîd-19ê ev mehek e zêde dibe

Li Rûsyayê ji destpêka şewba cureya nû ya vîrusa koronayê (Kovîd-19) vir va bi pêketina 40 hezar û 993 kesan va hejmara herî bilind a rojane hat qeydkirin.

Li gorî daxuyaniya Navenda Kontrol û Rêgiriyê ya Enfeksiyona Vîrusa Koronayê, li welêt di 24 saetên dawîn da hejmara kesên ku ji ber vîrusê mirin, 1158 zêde bû û derket 238 hezar û 538an, ya kesên baş bûn jî 27 hezar û 115 zêde bû û derket 7 milyon û 358 hezar û 539an.

Di nava 24 saetan da bi pêketina 40 hezar û 993 kesan va ji destpêka şewbê vir va hejmara herî bilind a rojane hat qeydkirin. Bi vî awayî hejmara giştî ya pêketiyan derket 8 milyon û 513 hear û 790î.

- Di cotmehê da hejmara pêketiyan timî zêde bû

Di 1ê Cotmehê da hejmara rojane ya pêketiyan wekî 24 hezar û 552, 10ê Cotmehê 28 hezar û 647, 20ê Cotmeh 34 hezar û 73 û 25ê Cotmehê jî wekî 37 hezar û 930 hatibû ragihandin.

Li paytext Moskovayê hejmara pêketiyan di 24 saetên dawîn da 7 hezar û 603 zêde bû û derket milyonek û 817 hezar û 391ê, ya miriyan jî 94 zêde bû û derket 31 hezar û 342yan.

Hatibû ragihandin, li welatê ku nifûsê wê bi qasî 145 milyonî ye, zêdeyî 50 milyonî kes bi têkûzî hatin aşîkirin.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE