''Me ji rêveberiya Amerîkayê ya nû hê nêteke baş û helwesteke cuda nedît''

''Me ji rêveberiya Amerîkayê ya nû hê nêteke baş û helwesteke cuda nedît''

Hesen Rûhaniyê Serokkomarê Îranê diyar kir ku ji rêveberiya Joe Bîden ya li Amerîkayê "hê nêteke baş nedîtine û got, "Heke rêveberiya teze ya Amerîkayê di gotinên xwe da semîmî ye bira demê nede der rêya xwe biguherîne û rojên derbas bûne jî qasî ji desta tê telafî bike."

Rûhanî bi rêya vîdeo konferansê beşdarî merasima vekirina hin projeyên tenduristiyê yên li herêmên Îranê bû û di merasimê da axivî. Rûhanî di axaftina xwe da rêveberiya Amerîkayê rexne kir û xwest ku bira di mijara peymana nukleerê da gavan biavêjin.

Rûhanî ji bo Trumpê wezîfeya wî ya seroktiya Amerîkayê bi dawî bû got, "terorîstê mezin û bêrûmet", bangî rêveberiya Bîden kir ku bira ji rêya xwe vegere û wiha pê da çû: "Pilîtîkaya zexta zêde ya li ser Îranê têk çû, li dinyayê tu kes ji vê nakeve şikê. Me ji rêveberiya Amerîkayê ya nû hê nêteke baş û helwesteke cuda nedît. Gotinên wan guherîn lêbelê dibê em guherîna kirinên wan bibînin. Eşkere nîne ku cinayetên kirin ew ê çito telafî bikin."

Rûhanî destnîşan kir ku ji ber mueyîdeyên Trump paşda anîn tengasiyên gelê Îranê dewam dikin û wiha axivî: "Heke rêveberiya teze ya Amerîkayê di gotinên xwe da semîmî ye bira demê nede der rêya xwe biguherîne û rojên derbas bûne jî qasî ji desta tê telafî bike."

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE