Mixalifên mutedil navçeya Seraqîbê bi dest xistin

Rêya M4ê Lazqiyeyê bi Heleb û Hemayê ra girêdide, rêya M5ê jî Helebê bi Şamê ra girê dide.

Mixalifên mutedil navçeya Seraqîbê bi dest xistin

Li Herêma Kêmkirina Rageşiyê ya Îdlibê navçeya Seraqîbê ya di navbera rêya M4 û M5an da ye piştî pevçûneke giran a di navbera hêzên rejimê û mixalifan da, kete destê mixalifên mutedil.

Mixalifên mutedil duh şev dereng gihîştin taxên derva yên navçeyê, sînorên hêzên rejimê derbas bûn û navçe bi dest xistin.

Navçeya Seraqîbê di navbera rêya M4 û M5an da ye, bajarên girîng bi hevdu ra girê dide ku ji ber vê cihekî stratejîk e.

Rêya M4ê Lazqiyeyê bi Heleb û Hemayê ra girêdide, rêya M5ê jî Helebê bi Şamê ra girê dide.

Ji hêla din va hêzên rejimê û komên terorîst ên Îran û Rûsya piştgirî dide wan li başûrê Îdibê nêzîkî 20 gundan bi dest xistin.

Guh nedan peymanên Astanayê û mitabaqata Soçiyê 

Bajarê Îdlibê ku dikeve bakurê rojavayê Sûriyeyê, hema bêje ji destpêka şerê navxweyî heta niha weke keleha mixalifan e. Vê gavê bi koça navxweyî va nifûsê Îdlibê derketiye 4 milyonî. Navenda bajêr di adara 2015an da ketibû destê mixalifan. Îdlib di nav bajarên ku herî zêde dibin hedefa rejimê da ye. 

Tirkiye, Rûsya û Îranê di 4-5ê gulana 2017an da di civîna Astanayê da bajarê Îdlib û hin herêmên bajarên derdora wê (wilayetên Lazqiye, Hema û Helebê), bakurê bajarê Humsê, li paytextê Şamê Xûteya Rojhilat û herêmên başûrê welêt (wilayetên Dera û Quneytrayê) bi tevahî 4 "herêmên kêmkêkirina rageşiyê" hatibûn îlankirin. 

Lêbelê rejim û terorîstên ku Îran piştgiriyê dide wan, ji bilî Îdlibê herêmên din tev bi piştgiriya esmanî ya Rûsyayê bi dest xistin.

Ji Peymana Şoçiyê vir va di êrîşên rejima Esed û piştgirên wan ên li Îdlibê da ji 1800î zêdetir kes hatin kuştin. Ji Çileya Paşîn a 2019an vir va milyonek û 794 hezar kesan xwe spartin sînorê Tirkiyeyê. AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE