Mogherînî bi Eşref Xanî re hat bal hev

Nûnera Bilind a Polîtîkaya Ewlehiyê û Têkiliyên Derva ya Yekîtiya Ewropayê Federîca Mogherînî bi Serokkomarê Efxanistanê Eşref Xanî re hat bal hev.

Hevdîtin li paytext Kabulê li Qesra Serokkomariyê hat kirin.

Mogherînî û Xanî piştî hevdîtinê civîna çapemeniyê li dar xistin.

Mogherînî got ku ew ê li Efxanistanê ji bo aştiyeke mayînde tiştê ji destê wan tê ew bikin û piştgiriyê bidine wan.

Mogherîniyê got divê Taliban û hikûmeta Efxanistanê bên bal hev û ji bo vê jî divê lijneyek were avakirin.

Mogherîniyê diyar kir ku welat niha ji heyameke hesas ra derbas dibe û xebatên ji bo aştiyê dewam dikin.

Serokkomarê Efxanistanê Eşref Xanî jî got li dinyayê bi şer û tehdîdan êdî tu pirsgirêk nayên çareserkirin û divê hemû mesele bi mizakereyan bên çareserkirin. 

AA