Rûhanî bi hevkarê xwe yê Iraqî Salih ra axivî

Serokomarê Îranê Hesen Rûhanî bi hevkarê xwe yê Iraqî Berhem Salih ra bi têlefonê axivî.

Li gor daxuyaniya ku ji Serokomariya Îranê hat dayîn, Rûhanî û Salih di axaftina xwe da li ser peymanên navbera herdu welatan sekinîn ku têkevin rewacê.

 Rûhanî diyar kir ku îstiqrar û ewlehiya li Iraqê wan kêfxweş dike û xwest peymanên ku di navbera herdu welatan da hatine îmzekirin, demildest têkevin rewacê.

Rûhanî daxuyand ku Iraq û Îran di mijarên hesas ên herêmî û navneteweyî da nêzî hevdu difikirin, ew dixwazin bi welatên herêmê ra jî têkiliyan xurt bikin.

Rûhanî destnîşan kir, Amerîka gavên ku wê herêmê bê îstiqrar bike avêtin û zirara van gavan wê ji Amerîkayê ra çêbe.

Serokomarê Iraqê Salih jî diyar kir ku ew dixwazin bi Îranê ra têkiliyan xurt bikin, girîng e ku peymanên hatine mohrkirin, têkevin rewacê.AA