Êrîşa li Hewlêrê li Qendîlê hat plankirin

Kiryarên êrîşa Hewlêrê îtiraf kirin ku ji Qendîlê telîmat sitandine

Êrîşa li Hewlêrê li Qendîlê hat plankirin

Herêma Kurdistana Iraqê (HKI) ragihand ku bi Mazlum Dagê serkiryarê êrîşa ku peywirdarê Serkonsolosxaneya Tirkiyeyê ya li Hewlêrê hat şehîdkirin ra bi tevahî 6 kes hatin girtin û PKKya rêxistina terorê telîmata êrîşê daye.

Di daxuyaniya nivîskî ya ku ji Midûriya Ewlehiyê ya Hewlêrê hat dayîn da hat gotin ku "Tîmên asayîş û antîterorê di demek kurt da der barê êrîşa Hewlêrê da serkirdeyê bûyerê Mazlum Dag jî di nav da 3 jê welatiyên Tirkiyeyê bi tevahî 6 kes girtin. Her 3 kesên din welatiyên HKIyê ne û hat tesbîtkirin ku alîkarî û piştevaniya kiryaran kirine. Bi biryara mehkemeyê çend kesên din ên ku tevî bûyerê bûne jî digerin."

Di daxuyaniyê da herwiha hat gotin:

"Li gor îtirafên sûcdaran êrîşa terorê ya li Hewlêrê ya ku xebatkarê Serkonsolosxaneya Tirkiyeyê hat kuştin û hedef dikir ku îstiqrara Herêma Kurdistana Iraqê (HKI) xira bike çend meh berê li Qendîlê ji hêla PKKyiyê bi navê Fatîh (Botan) va hat plankirin. Serkirdeyê êrîşê îtiraf kir ku 2 welatiên Iraqê bi gumana ku parêzvanên dîplomatê Tirk in kuştine."

Midûriya Ewlehiyê ya Hewlêrê digel daxuyaniya nivîskî dîmenên ku îtirafên 6 kesên navborî tê da ne jî bi raya giştî ra parve kirin.

Hêzên ewlehiyê yên HKIyê di 20ê tîrmehê da daxuyaniyek dabû û ragihandibû ku terorîst Mazlum Dagê ku êrîşa peywirdarê Serkonsolosxaneya Tirkiyeyê hat şehîdkirin kir û Mihemed Bîsksizê ku alîkariya wî kir hatin girtin.

Li Hewlêrê di 17ê tîrmehê da li restoranekê êrîşa çekdarî hatibû kirin û dîplomatekî li Serkonsolosxaneya Hewlêrê ya Tirkiyeyê peywirdar hatibû şehîdkirin û 2 welatiyên Iraqê jî mirbûn.

AA

Dîroka nûkirinê: 28 Tîrmeh 2019, 18:22
Şîrove Bike
NÛÇEYA DI RÊZÊ DE