"Rûsya ji bo peymaneke teze ya S-400î amade ye"

Dmitriy Peskovê Berdevkê Kremlînê:"Rûsya xwedî teknîk û îmakanan e. Rûsya ji bo pêşxistina hevkariyê li firsendan digere"

"Rûsya ji bo peymaneke teze ya S-400î amade ye"

Dmitriy Peskovê Berdevkê Kremlînê got Rûsya ji bo bi Tirkiyeyê ra seba S-400î peymaneke teze îmze bike amade ye û wiha axivî: "Rûsya xwedî teknîk û îmakanan e. Rûsya ji bo pêşxistina hevkariyê li firsendan digere."

Peskov daxuyanî da rojanmevanan û axaftina Wezîrê Karên Derva Mevlut Çavuşoglu ya dibêje Tirkiye dibe ku ji Rûsyayê S-400eke din jî bikire nirxand.

Berdevk Peskov wiha pê da çû: "Rûsya ji bo peymaneke teze amade ye. Rûsya xwedî teknîk û îmakanan e. Ya rastî Rûsya ji bo pêşxistina hevkariyê li firsendan digere. Ev pêkanîneke normal e."

Peskov got ku hevkariyên eskerî û teknîkî yên Rûsyayê parçeyekê girîng ê hevkariyên dualî ne û wiha axivî: "Dema hevkariyeke wiha were kirin têkiliyên dualî jî derdikevin asta bilind. Ev ji bo Tirkiyeyê jî wisa ye."

Wezîrê Karên Derva Mevlut Çavuşoglu gotibû heke F-35ên teyareyên şer teslîmî Tikriyeyê nekin ew ê vê hewcedariya xwe ya ji bo vê qadê ji welatekî din binînin û wiha axivîbû: "Heke Amerîka Patrîotan nede dibe ku em sibê S-400eke din jî bikirin, sîstemeke parastina hewayê ya din jî bistînin."

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE