Serokê Êzdî Şemo: "Ji bo ku li Şengalê aştî û aramî pêk bê divê PKK ji herêmê dûr bikeve"

Misteşarê Berpirsyarê Êzdiyan ê Herêma Kurdistana Iraqê Şêx Şemo got, ''Ji bo ku li Şengalê aştî û aramî pêk bê divê PKK ji herêmê dûr bikeve.''

Serokê Êzdî Şemo: "Ji bo ku li Şengalê aştî û aramî pêk bê divê PKK ji herêmê dûr bikeve"

Misteşarê Berpirsyarê Êzdiyan ê Herêma Kurdistana Iraqê (HKI) Şêx Şemo daxuyand PKKya rêxistina terorê li Şengalê rewşê xirabtir dike û wiha got: "Ji bo ku li Şengalê aştî û aramî pêk bê divê PKK ji herêmê dûr bikeve."

Şemo der barê peymana ku di 9ê cotmehê da di navbera hikûmeta Iraqê û HKIyê da hatibû îmzekirin û mijara wê hebûna PKKyê ya li Şengala navçeya Mûsilê ye da daxuyanî da nûçegihanê AAyê.

Şemo ji ber vê peymanê kêfxweşiya xwe anî ziman û got bi saya vê peymanê herêm wê wek beriya sala 2014an bê rêvebirin.

Serokê Êzdî got li gor peymanê tu hêzeke çekdar wê li Şengalê nemîne, bi tenê polêsên Iraqê û ewlehiya herêmî wê wezîfeyê li vir bikin.

Şemo wiha axivî: "Artêşa Iraqê an jî Pêşmerge herî kêm wê 5 kîlomêtro dûr bisekinin, ewê ewlehiya navçeyê biparêzin. Ji bilî van divê tu komeke biçek nemîne. Heke li Şengalê aramî û ewlehî pêk bê, saziyên îdarî û dewletê dest bi xebatê bikin, destê alîkariyê bigîhîje wir, gelê Şengalê jî naxwaze di konan da bijî. Ew dixwazin vegerin malên xwe.

- PKK divê rê li ber peymanê negire

Şemo daxuyand PKK li Şengalê rewşê xirabtir dike û wiha got: "Ji bo ku li Şengalê aştî û aramî pêk bê divê PKK ji herêmê dûr bikeve. Ka çi xizmeta wan (PKK) ji Şengalê ra çêbûye? Çi xêra wan gihîştiye?"

Şemo got peymana di navbera Bexda û Hewlêrê wê rewşa Şengalê baştir bike û anî ziman divê PKK rê li ber peymanê negire.

- Peymana di navbera Bexda û Hewlêrê da

Di navbera Bexda û Hewlêrê da di 9ê cotmehê da peymaneke mijara wê Şengal e hat îmzekirin.

Li gor vê peymanê li Şengalê qaymeqam û ji bo şaxên din ên îdarî wê wezîfedarên nû bên tayînkirin.

Li Şengalê polêsên Iraqê, hêzên Misteşariya Ewlehiya Neteweyî û hêzên Şaxa Îstixbaratê ya Neteweyî wê bi hêzên HKIyê ra hevkariyê bikin û ewlehiya navçeyê biparêzin.

Ji bilî van hemû hêzên çekdar wê navçeyê bên derxistin. Ji bo vê 2 hezar û 500 hêzên ewlehiyêwê bên wezîfedarkirin.

- Hebûna PKKyê wê dawî bibe

Di peymanê da madeya "Hebûna PKKyê ya li Şengalê û dora wê bê dawîkirin. Li herêmê rola PKKyê û hemû hêzên girêdayî PKKyê wê tunebe." heye.

Di çarçoveya peymanê da ji bo Şendal ji nû va bê avakirin, ewlehî û rêvebirina wê bê meşandin biryar hat dayîn ku di navbera Bexda û HKIyê da komîteyeke hevpar bê avakirin.

Hêzên Şehdî Şebiyê jî li gor peymanê wê ji navçeyê derkevin.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE