Serokên NATOyê li Madrîdê dest bi rûniştinên zîrweyê kirin

Serokên NATOyê li Madrîdê dest bi rûniştinên zîrweyê kirin

Serokên dewlet û hikûmetên welatên endamên NATOyê li paytextê Îspanyayê Madrîdê dest bi rûniştinên zîrweyê kirin.

Sekreterê Giştî yê NATOyê Jens Stoltenberg di rûniştina ewil a li ser Ukraynayê da axivî û diyar kir ku di dinyayeke milmilanexwaz a ku rejimên otorîter ên wekî Rûsya û Çînê li dijî pergala rêgezan derdikevin da ji bo xurtkirina NATOyê dê biryarên girîng bên sitandin.

Stoltenberg da bibîrxistin ku halê nû yê belgeya Konsepta Stratejîk a rêbernameya îtifaqê were pejirandin, îtifaq dê bê xurtkirin û her wisa bi vexwendina Swêd û Fînlandiyayê va ew yek dê were nîşandan ku deriyên NATOyê vekirî ne.

Stoltenberg her wisa got ku Serokê Dewleta Ukraynayê Volodîmîr Zelenskiy dê xîtabî serokan bike û her wisa ji bo Ukraynayê dê pakêteke piştgiriyê ya berfireh were qebûlkirin.

Serokwezîrê Îspanyayê Pedro Sanchez ê malîvanê zîrweyê jî di axaftina xwe da wiha got, "Biryarên ku dê em ê werbigirin dê kapasîteya me ya 10 salên din û emilandina çavkaniyên me diyar bike. Dinya li me temaşe dike. Em ê tevî yekîtiya xwe wê yekê nîşan bidin ku em dikarin hêviyan bînin cih."

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE