Xwepêşandanên dijî hikûmetê yên li Iraqê

Koalîsyona Dijî DEAŞê ya ku Amerîka Pêşengiya wê dike diyar kir, ew ji ber xwepêşandanên dijî hikûmeta Iraqê bi fikar in û bangî hemû aliyan dikin ku tansiyonê bixin.

Xwepêşandanên dijî hikûmetê yên li Iraqê

Koalîsyona Dijî DEAŞê ya ku Amerîka Pêşengiya wê dike diyar kir, ew ji ber xwepêşandanên dijî hikûmeta Iraqê bi fikar in û bangî hemû aliyan dikin ku tansiyonê bixin.

Berdevkê Koalîsyonê Albay Myles Caggins bi nîşeya "daxuyaniya protestoyê" li ser hesabê xwe yê Twitterê daxuyanî da û wiha got, "Hêza Yekbûyî ya Wezîfeyê, bangî hemû aliyan dike ku rageşiyê kêm bikin. Em bi fikar in ku ji hêzên ewlehiya Iraqê û ji sivîlan hin kes mirine û birîndar bûne. Em bawer dikin ku xwepêşandanên gel ên aştiyane ji bo hemû demokrasiyan ûnsûreke bingeh e. Cihê şidetê tuneye." 

- Xwepêşandanên li Iraqê

Li tevahiya Iraqê du roj in xwepêşandan dewam dikin û 12 kes tê da mirin.

Li Bexda, Zîkar û wilayetên din xwepêşandan tên lidarxistin û dixwazin ku şert û mercên jiyanê û xizmetên şaredariyan baş bibin, îstixdam zêde bibe, gendeliyên nav dewletê bi dawî bibin. Di van xwepêşandanan da midaxale hat kirin û 112 kes birîndar bûn.

Li Zîkara wilayeta Iraqê ku derketina derva lê hat qedexekirin, duh di xwepêşandanên dijî hikûmetê da 7 kes miribûn, 112 kes birîndar bûbûn.

Hatibû ragihandin ku xwepêşandêran li Suk eş-Şuyux û Ed-Dewayeya navçeyên Zîkarê agir berdan avahiyên qaymeqamtiyê. Her wiha agir berdabûn avahiya şaredariyê ya Suk eş-Şuyuxê û avahiya sendîkaya endezyarên li bajarê En-Nasiriyeyê.

AA

Dîroka nûkirinê: 04 Cotmeh 2019, 09:09
Şîrove Bike
NÛÇEYA DI RÊZÊ DE