Bihuşta veşartî ya Kiziltepeyê: Geliyê Xursê

"Ev der ciyekî gelekî xweş e. Em bi hevalên xwe ra ji bo hênik bibin hatin vê derê. Divê her kes vê derê bibîne"

Bihuşta veşartî ya Kiziltepeyê: Geliyê Xursê

Geliyê Xursê yê li Kiziltepeya navçeya Mêrdînê bi şelale, ciyên seyranê û bi xweşikiyên xwe yên siruştî va balê dikşîne. 

Geliyê Xursê li ser rêya Mêrdîn-Kiziltepeyê di kîlometreya 7emîn da cî digire. 

Di dawiya hefteyê ji gelek bajar û navçeyên derûdorê meriv bi malbatên xwe ra tên herêmê û seyranê dikin. Hin welatî rûdinin û guhê xwe didin dengê çûkan û hin welatî jî ku hênik bibin xwe diavêjine gola biçûk ya li herêmê.

Ji welatiyan Mahsum Atay got ku li herêmê germahiya hewayê ji 40 pileyî derbas dibe û wiha axivî:

"Ev der ciyekî gelekî xweş e. Em bi hevalên xwe ra ji bo hênik bibin hatin vê derê. Cara ewil e em tên vê derê. Ji vir şûn da em ê her dem bên. Divê her kes vê derê bibîne."

Ji ziyaretvanan Muhammet Mahmut Kurtay got ku ew ji bo hênik bibin hatin gelî û wiha axivî:

"Hewaya vê derê paqij e û hêşinahî jî zehf e. Hin kes ji bo ditîna vê derê ji bajarên rojava tên. Em dikarin ji bo vê derê bibêjin bihuşta veşartî ya Kiziltepeyê ye."AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE