Deşta Muşê mazûvaniya teyr û tûyên ku ji Afrîkayê diçin Sîbîryayê dike

Deşta Muşê li Türkiyeyê di nav gozergahên girîng ên koça teyr û tûyan da cih digre û derbasbûna cureyên çûkan li deştê hem bala çavdêran hem bala wênekêşan dikşîne

Deşta Muşê mazûvaniya teyr û tûyên ku ji Afrîkayê diçin Sîbîryayê dike

Deşta Muşê bi qadên xwe û floraya xwe ya dewlemend va mazûvaniya 350 cure teyr û tûyan dike. 

Deşta Muşê li Türkiyeyê di nav gozergahên girîng ên koça teyr û tûyan da cih digre û derbasbûna cureyên çûkan li deştê hem bala çavdêran hem bala wênekêşan dikşîne.

Bi sedan cureyên teyr û tûyên ku ji Afrîkayê tên û ji Hatayê ra derbasî welêt dibin, ji Deşta Muşê ra derbas dibin û koçî Sîbîryayê dikin. 

Bi destpêkirina koçê ra çavdêrên teyr û tûyan tên bajêr û serê sibê radibin û berê xwe didin deştê, wêneyê cureyên çûkan dikişînin û qeyd dikin.

Çavdêrê çûkan Mustafa Çulcuoglu daxuyanî da û diyar kir ku ew gozergahên koçkirina çûkan dişopînin.

Çulcuoglu wiha dewam kir, "Li ser rûyê dinyayê di navbera bakur û başûr da sê rêyên girîng ên koça çûkan hene. Yek ji van li welatê me ye. Li ser rûyê dinyayê yek ji rêyên koça çûkan a girîng yek jî Deşta Muşê ye. Ev der mazûvaniya çûkan dike. Li deştê nêzî 350 cureyên çûkan hene û qeydên wan hene."

Çulcuoglu daxuyand, çûkên ku ji Afrîkayê koç dikin û tên welêt, dema ku derbasî bakur dibin herî dawîn tên Deşta Muşê û wiha dewam kir, "Çûk ji vê derê diçin herêma Sîbîryayê û qadên xwe yên jiyanê yên ku lê cûcikan derdixin, dibînin."

Alpay Salih Aloglu jî diyar kir ku 12 sal e ew di dema xwe ya vala da çavdêriya çûkan dike û wêneyên wan dikişîne.AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE