Di nav çiyayan de siruşteke bêhempa

Newal, şîp û çemên Çermûkê li benda siruşthezan in.

Di nav çiyayan de siruşteke bêhempa

Çermûka Diyarbekirê, bi newalên xwe yên kûr û çiyayên bilind herêmeke ji bo siruşthezan bêhempa ye. Walî, parlamenter û bi dehan werzîşkar ji bo balê bikişînin ser vê siruştê meşek li dar xistin. Gol, şelale û newalên gundê mîyalan û derdora wê hêjayî dîtinê ne.

Çermûka navçeya Diyarbekirê bi siruşt û tebîeta xwe cihekî nenas û nuwaze ye.

Payîza paşîn jî pelên daran rengorengo kirine û siruşt kiriye mîna tabloyekê.

Di pêşengiya rayedaran de ji bo bala mirovan were ser vê devera xweş meşeke tebîetê hat lidarxistin.

Meş di navbera şelaleya Miyalan û ya Şêxanê de hat kirin.

Li aliyekî çem û daristan, li aliyekî jî şîpên bilind dîmenên rengîn derxistin holê.

Di vê meşa siruştê de walî û parlamenter jî di nav de bi dehan werzişkar û siruşthez jî hebûn.

Gundiyên deverê jî dixwazin ev der ji bo turîzmê werin naskirin.

Ji bo dever bê naskirin û li deverê veberhênan bên kirin xebatên walîtî û şaredariyê didomin.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE