Ji bo zarokên li Rojhilat û Başûrê Rojhilatê Anadoluyê diyarî şandin

Ji bo zarokên li Rojhilat û Başûrê Rojhilatê Anadoluyê pêlîstok û kincên zivistanê hatin şandin

Ji bo zarokên li Rojhilat û Başûrê Rojhilatê Anadoluyê diyarî şandin

 TIRa pêlîstok û kincên zivistanê barkirî ku ji hêla Şaredariya Beyogluyê û Federasyona Lîstikên Zarokan û Kulubên Werzişê ji bo zarokên li herêmên li Rojhilat û Başûrê Rojhilatê Anadoluyê hatin berhevkirin, bi rê ket.

Qaymeqamê Beyogluyê Mustafa Demirelli ku di merasima li ber avahiya Şaredariya Beyogluyê da axivî, diyar kir ku organîzasyon, pir xweşik hatiye fikirîn û amadekirin.

Demirelli bal kişand ku ew yek girîng e, diyarî bigihêjin zarokan û her wisa sipasiya kedkarên organîzasyonê kir.

Şaredarê Beyogluyê Haydar Ali Yildiz diyar kir ku TIR dê 15 rojan li 14 parêzgehan bigere û wiha dewam kir, "Dê zarokan hem menewî germ bikin û hem jî dê pêwîstiyên wan ên zivistanê dabîn bikin. Her wisa di TIRan da çîçik jî hene ku dê zarok pê kêfxweş bin. Ez sipasiya sazî û xêrxwazên ku alîkarî dan, dikim."

Serokê Federasyona Lîstikên Zarokan û Kulubên Werzişê Mehmet Mutlu jî diyar kir, TIRa Diyarîbarkirî dê li 14 parêzgehan bigere û wiha got, "Em zehf kêfxweş in. Lewma em dixwazin zarokên ku dê diyarî bigihîjin wan jî kêfxweş bibin."

Piştî axaftinan, TIRa pêlîstok û kincên zivistanê barkirî ji ber avahiya şaredariyê hat birêkirin.AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE