Li Qersê pêşbaziya cirîdavêtinê

Li Qersê pêşbaziya cirîdavêtinê ya wekî spora bav û kalan tê zanîn dest pê kir. 

Li Qersê pêşbaziya cirîdavêtinê

Li Qersê pêşbaziya cirîdavêtinê ya wekî spora bav û kalan tê zanîn dest pê kir. 

Cirîd bi sedsalan e li Asyaya Navîn û Anadoluyê tê avêtin. Ev lîstik piranî li gundên Selîma navçeya Qersê di mehên zivistanê da bûye kêf û zewqa herî mezin a gundiyan. 

Werzişkarên cirîdê li gundê Lalogluya navçeya Selîmê kom bûn û li ser berfê cirîd avêtin. 

Tîmên cirîdê yên Kekeç, Başkoy û Hasbeyê nêzî 2 saetan cirîd avêtin û li ber hev dan.

Cirîd wekî 2 beş hat avêtin. Werzişkaran piştî beşa duyemîn ji bo hesp pariyekî bêhna xwe vedin ew gerandin. 

- "Zivistan hat me jî pêşbirkên xwe dan destpêkirin"

Serokê Kulûba Spora Bihespan a Qers Qefqasê Selçuk Başkaya daxuyanî da nûçegihanê AAyê û got ku piştî barîna berfê wan dest bi pêşbirkên cirîdê kir. Başkaya got ku ew piranî niha di navbera xwe de dikin û wiha dewam kir:

"Ji bo ku em spora bav û kalan nedin jibîrkirin û hînî ciwanan bikin, em guh nadin berf û sermayê. Hespên me hinekî xam in, divê werin perwerdekirin. Gelek turîstên xwemalî û biyanî tên herêmê. Em ji wan re carn pêşbirkan amade dikin."

Ji werzişkaran Serkan Tekîn jî got ku bi saya vê sporê gundî tên cem hev û wiha axivî: "Em serê sibê radibin û hespên xwe amade dikin. Piştra em hespê xwe siwarî kamyonan dikin û tînin vê sehaya cirîdê. Em hem hespên xwe digerînin û hem jî cirîdê diavêjin. Bi saya vê sporê gundî jî tên cem hev."AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE