Masîgirî zivistanan zehmettir e

Cemedê qul dikin, toran davêjin nav avê û masiyan digirin.

Masîgirî zivistanan zehmettir e

Ji ber ku rûyê Gola Çıldırê cemed girtiye zivistanan girtina masiyan zor û zehmetî ye. Masîgir ji bo masiyan bigrin pêşî cemedê dişkînin û torên xwe diavêjin piştî rojekê jî torên xwe yên tijî masî bûne berhev dikin û dibin malê.

Gola Çıldırê di navbera Kars û Ardahanê de ye. Gelek welatî ji Gola Çıldırê masiyan digirin û bi vî awayî debara xwe dikin.

Lê bi hatina zivistanê li ser golê cemed çêdibe û ji bo masîvanan kar û bar bi zehmetî dimeşe.

Welatiyê masîgir got,”Bi taybetî di mehên çile û sibatê de em bi vî awayî masiyan digirin. Digel sir û seqemê em serê sibê zû tên virê, cemedê qul dikin, toran davêjin û masiyan digirin.”

Masîgir di cemedê de qulikan vedikin, torên xwe diavêjin û heta masî werin lê guhdarî dikin.

Dema tor bi masiyan tijî dibin wan berhev dikin. Pişt re jî toran cardin diavêjin qulikan.

Hinek zehmet e lê masîgir di zivistanan de îdareya mala xwe bi vî awayî dikin.

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE