Qesra Îshaq Paşa digel Kovîd-19ê ji ziyaretvanan vala nema

Qesra Îshaq Paşa ya li Agiriyê ku di nav berhemên turîstîk ên sereke yên herêma Rojhilatê Anadoluyê da cî digire digel şewba Kovîd-19ê vala nema û bala turîstên xwemalî û biyanî kişand ser xwe.

Qesra Îshaq Paşa digel Kovîd-19ê ji ziyaretvanan vala nema

Qesra Îshaq Paşa ya li Agiriyê ku bi mîmariya xwe ya heyama Osmaniyan di nav berhemên turîstîk ên sereke yên herêma Rojhilatê Anadoluyê da cî digire ji ber şewba Kovîd-19ê 2 meh û nîvan girtî ma lê digel vê eleqeya li serê kêm nebû û heta niha 105 hezar turîstên xwemalî û biyanî ezimand.

Qesra Îshaq Paşa ya li Rojhilatê Anadoluyê bi dîrok, mîmarî û îhtişama xwe ya ku li ser girekî di nav zinaran da hatiye avakirin balê dikşîne.

Qesra Îshaq Paşa ya 7 kîlomêtro dûrî Bazîdê û li ser girekî hezar û 900 mêtro bilind e hatiye avakirin mînakeke taybet ya mîmariya dema Osmaniyan e.

Di qesrê da 116 ode, turbe, camî, sûr, hewşa hundir û derva, dîwan û salonên haremê hene û ev der di Lîsteya Demkî ya Mîrateya Cîhanê ya UNESCOyê da cî digire û seranserê salê geştyar tên serdana Qesra Îshaq Paşa.

Ji nava meha adarê bigir heta serê meha hezîranê Qesra Îshaq Paşa ji ber şewba Kovîd-19ê girtî bû û geştyar nikaribûn lê bigerin.

Qesra dîrokî ji hezîranê pê va bi asayîbûnê va deriyê xwe ji bo geştyaran vekir û li gor daneyên Midûriyeta Çand û Turîzmê ya Bajêr turîst herî zêde di meha tebaxê da hatin serdana qesrê û wê mehê 27 hezar û 169 turîstan qesrê ziyater kir.

Ji destpêka salê vir va digel şewba Kovîd-19ê Qesra Îshaq Paşa 105 hezar geştyarên xwemalî û biyanî ezimand.

Ji ziyaretvanan Meryem Yazici ya ku bi gerê hatibû qesrê daxuyanî da û got: "Ez tevlî hevalên xwe ji bo Qesra Îshaq Paşa bibînim ji Hekariyê hatim Bazîdê. Pergala kalorîferê ya ewil a li vê derê hatiye avakirin û ez vê nû hîn bûm."

Ji ziyaretvanan Elî Heyder Sertel got ku ew ji ber hatina vê derê gelek kêfxweş in.AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE