"ji sedî 98 xwendekarên me di lîseyên ku dixwestin da hatin bicihkirin"

Wezîr Ozer daxuyand encamên bicihkirina ewil di 26ê tîrmehê da hatibûn eşkerekirin û ji sedî 93 xwendekar li gor tercîhên xwe hatibûn bicihkirin ku ev rêje niha bû ji sedî 96.

"ji sedî 98 xwendekarên me di lîseyên ku dixwestin da hatin bicihkirin"

Wezîrê Perwerdeya Neteweyî Mahmut Ozer daxuyand di çarçoveya Pergala Derbasbûna Lîseyan (LGS) da encamên neqla duyem a esas hatin eşkerekirin, ji sedî 98 xwendekar di lîseyên ku dixwestin da hatin bicihkirin.

Ozer daxuyand encamên bicihkirina ewil di 26ê tîrmehê da hatibûn eşkerekirin û ji sedî 93 xwendekar li gor tercîhên xwe hatibûn bicihkirin ku ev rêje niha bû ji sedî 96.

Ozer got tercîhên neqla duyem di navbera 2-6ê tebaxê da hatin qebûlkirin û wiha dewam kir: "Di çarçoveya LGSyê da me encamên neqla duyem a esas ya bicihkirinê eşkere kir. Li gor encaman ji sedî 98 xwendekarên me di lîseyên ku dixwestin da hatin bicihkirin. Bila ji xwendekar û malbatên me ra li ser xêrê be."

Serlêdan wê dewam bikin

Wezîr Ozer got xwendekarên di lîseyekê da nehatine bicihkirin wê ji hêla komîsyonên bicihkirin û neqlê va bêne bicihkirin.

Ozer anî ziman ev xwendekar wê di navbera 9-13ê tebaxê da serî li komîsyonan bidin û di 20ê tebaxê da bicihkirina wan wê temam bibe.AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE