Danezana encamê ya civîna G-20ê

Di danezana encamê ya Lûtkeya Serokan a G-20ê da gotina "parastinê" nehat bikaranîn û hewcehiya polîtîkayeke bazirganiyê ya navneteweyî ya "serbest" û "adil" hat destnîşankirin

Danezana encamê ya civîna G-20ê

 Di danezana encama G20ê ya ku 20 aboriyên herî mezin ên cîhanê anî ba hev û bi mazûvantiya Japonyayê li Osakayê hat lidarxistin da gotina "parastinê" nehat bikaranîn û hewcehiya polîtîkayeke bazirganiyê ya navneteweyî ya "serbest" û "adil" hat destnîşankirin. 

Lûtkeya Serokan a G20ê ya ku bi serokatiya heyamê ya Japonyayê li Osakayê hat lidarxistin xilas bû. Piştî lûtkeya ku 2 rojan dewam kir danezana encamê ya ji 43 madeyan pêk tê û ji hêla hemû endamên G20ê va hatiye îmzekirin hat weşandin.

Di danezanê da hişyarî hat dayîn ku "pêşketina aborî" kêm maye û hat destnîşankirin ku bi zêdekirina rageşiyên bazirganî û jeopolîtîk xetere ber bi jêr va ne.

Di danezanê da cî nedan îxtilafên bazirganiyê yên ku di navbera Amerîka, Çîn û welatên din da zêde dibe û hat diyarkirin ku dijî dijwariyên ku bazirganiya elektronîk, hişê biaqil û înterneta nesneyan derxist holê hewcehî heye ku bêtir bixebitin.

Di danezanê da hat destnîşankirin ku dê nirxandina xetereyên ji bo bazirganî û veberhênanê bidomin û ji bo ku ev xetere ji holê bên rakirin dê pêngavên hewce bên avêtin û wiha hat gotin: "Em ji bo ku atmosfereke veberhênan û bazirganiyê ya azad, adil, cudaker nîne, zelal û biîstiqrar ava bikin û bazarên xwe vekirî bihêlin hewl didin."

Serokên G20ê di danezana encamê da diyar kirin ku dê bazarên xwe vekirî bihêlin û piştgiriyê bidin reformên hewce yên Rêxistina Bazirganiyê ya Dinyayê û di vê mijarê da ji bo ku "şertên wekhev" ên navneteweyî ava bikin dê bixebitin.

Erebistana Siûdî sala bê dê wek serokê heyamê yê G20ê mazûvantiya Lûtkeya Serokan a G20ê ya ku dê sermaweza 2020î da bê lidarxistin bike.AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE