Di navbera Türkiye, Swêd û Fînlandiyayê da memoranduma sêalî hat îmzekirin

Di navbera Türkiye, Swêd û Fînlandiyayê da memoranduma sêalî hat îmzekirin

Di navbera Türkiye, Swêd û Fînlandiyayê de der barê pêvajoyên endamtiya NATOyê yên Fînlandiya û Swêdê da memoranduma sêalî hat îmzekirin.

Di hevdîtina çaralî ya di çarçoveya Lûtkeya NATOyê de Swêd û Fînlandiyayê peyman da Tirkiyeyê ku di têkoşana dijî PKKê de hevkarê Türkiyeyê bin û nebin piştevanê PYD/YPG û FETOyê.

Sekreterê Giştî yê NATOyê Stoltenberg ragihand ku ji bo beşdariya Swêd û Fînlandiyayê bo NATOyê digel Tirkiye mitabeqet hat kirin, dê fikarên Tirkiyeyê ji holê rakin.

Stoltenberg destnîşan kir ku ji îmzakirina memorandûma sêalî ya di navbera Türkiye, Swêd û Fînlandiyayê kêfxweş e û ragihand ku dê lîderên welatên endamên NATOyê sibe birayara dawetkirina Swêd û Fînlandiyayê bo NATOyê bidin.

Danezana Hevpar

Ji danezana hevpar a Türkiye, Swêd û Fînlandiyayê de wiha hat gotin, "Fînlandiya û Swêd êrîşên hemî rêxistinên terorê yên li dijî Türkiyeyê bi awayekî safî û vekirî şermezar dikin."

Türkiye, Fînlandiya û Swêdê bi mebesta rêgiriya li fealiyetên rêxistinên terorê biryar dan ku hevkariya xwe zêdetir bikin. Fînlandiya û Swêd dê agahî, delîl û îstixbarata Türkiyeyê berbiçav bigire û derbarê gumanbarên terorê daxwazên deresînorkirin û îadeyan xurt cîbicî bike. Fînlandiya û Swêd dê li dijî komkirina pera û hemî fealiyetên ji bo PKKê û dûvikên wê lêpirsînê bide destpêkirin û wan qedexe bike. Türkiye piştevaniya xwe ya vekirî ji bo polîtîkaya deriyê vekirî ya NATOyê û ji bo dawetkirina Fînlandiya û Swêdê bo nav NATOyê di Lûtkeya Madrîdê de teyîd dike.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE