"Em dixwazin Behra Reş bila bibe behra aştiyê"

Serok Recep Tayyip Erdogan di komcivîna AK Partiyê ya heftane de axivî...

"Em dixwazin Behra Reş bila bibe behra aştiyê"

Serok Recep Tayyîp Erdogan di Civîna Koma Meclisê ya AK Partiyê da axivî û namzedên şaredariyê yên 20 bajaran eşkere kir.

Erdogan der barê geşedanên li Rojhilatê Behra Sipî da wiha peyivî: "Helwest û tevgera Yewnanistana ku piştgiriya hin dewletên Ewropayê distîne û Qibrîsa Başûr ku bi Yewnanistanê ra tevdigere beriya her tiştî ji bona xwe bûne gef û talûke."

Serok Erdogan destnîşan kir kesên li ber pêla penaberan ji tirsê diricifin wexta mesele tê ser neft, xaz û ranta siyasî dibin şêr û wiha got: "Em ê firsendê nedin wan kesên hin mijarên navxweyî yên welatên li Behra Sipî wekî firsend dibînin û dixwazin bi neheqî li herêmê serdestiya aborî û siyasî ya xwe ava bikin."

Erdogan destnîşan kir ne li Rojhilatê Behra Sipî û ne jî li herêmên din wê di mijara tezên xwe da tawîzan nedin û wiha axivî: "Em dixwazin Behra Reş bila bibe behra aştiyê. Em ji dostên xwe yên Ûris û Ukranî ra dubare dikin bila pirsgirêkên xwe bi diyalogê çareser bikin. Hewla wan a ji bo bi 12 mîlan va Tirkiyeyê asê bihêlin ku li Behra Egeyê negere, di mijara Qibrisê da li heqê xwe negere berhewa ye. Em biryardar in ku heqê xwe yên ji hiqûqa navneteweyî û teamulan bi dest xistine bikar bînin û hedê kesên dibin asteng jî rayê wan bidin."

Serok Erdogan diyar kir di heyama ku dinya di pencên tehdîdan da ye Rûsya û Ukraynayê ne li hemberî hev, li ba hev bibînin wê memnun bin.

Erdogan destnîşan kir li Sûriyeyê bi hinceta DEAŞê her kes li pey berjewendî û rantê ket, lê ew digel rîskan daketin qadê û derbeya herî giran lê xistin û wiha got: "Rêxistina li serê Îslamê bûye belaya herî mezin me da çokvedan, lêbelê kesên dibêjin li dijî DEAŞê ne mixabin li dijî DEAŞê têkoşîneke piçûk jî nedan."

Serok Erdogan diyar kir wek Tirkiye soz didin ku wê di nav çend mehan da bi temamî koka rêxistina DEAŞê biqelînin û wiha peyivî: "Li Sûriyeyê DEAŞ tune. Bi tenê di bin şiklê DEAŞê da çeteyên biçûk yên ku destûr hatiye dayîn ku ew hebûna xwe biparêzin û vî welatî û herêmê tevlihev bikin, hene."

Erdogan diyar kir tekane hedefa rêxistina terorê ya şaxa Sûriyeyê ya PKKyê welatê wan e û got li hember vê tehdîdê em êdî nikarin bêdeng bisekinin.

Serok Erdogan diyar kir di hedefa wan da terorîstên bi eşkeretî dijmintahiya welatê wan dikin hene û wiha axivî: "Ji bo kesên dibêjin mitefîq in, hevkarê stratejîk in, dixwazin têkiliyên bi me ra qewîn bikin ev firsendeke mezin e. Heke ji pêşiya terorîstên welatê me xistina hedef vekişin em ê fehm bikin ku li cem Tirkiyeyê cî digrin, heke wisa nekin jî ji bo beqaya me çi lazim bike em ê wê bikin û bidomînin."

Erdogan destnîşan kir di meha Kanûnê da wê seferberiyeke nû ya veberhênan û îstixdamê bidin destpêkirin û bi hêzdarî dest bi 2019an bikin.

Serok Erdogan diyar kir bi taybetî li bajarên mezin CHP li bendê ye ku AK Partî namzedên xwe eşkere bike û wiha got: "Gorî wê dixwazin eşkere bikin, lewra AK Partî girîng e. Di aqilê wan da fikra 'Kî dikare bajêr baş îdare bike' tuneye. Li pey namzedên ku dikarin rayên AK Partiyê û partiyên hildin digerin."

- Serok Erdogan namzedên şaredariyê yên 20 bajaran eşkere kir

Serokomar û Serokê Giştî yê AK Partiyê Recep Tayyîp Erdogan ji bona hilbijartina di 31ê Adara 2019an da namzedên şaredariyê yên 20 bajaran eşkere kir. Bajar û namzedên ku ji hêla Serokomar Erdogan va hatin eşkerekirin ev in:

Ankara: Mehmet Ozhasekî

Afyonkarahîsar: Mehmet Zeybek

Bîngol: Erdal Arikan

Çanakkale: Ayhan Gîder

Çorum: Halîl Îbrahîm Aşgin

Eskîşehir: Burhan Sakalli

Hatay: Îbrahîm Guler

Îzmir: Nîhat Zeybekcî

Sakarya: Ekrem Yuce

Trabzon: Murat Zorluoglu

Karaman: Mahmut Samî Şahîn

Mûş: Feyat Asya

Uşak: Mehmet Çakin

Yozgat: Celal Kose

Sêwas: Hîlmî Bîlgîn

Tokat: Eyup Eroglu

Konya: Ugur Îbrahîm Altay

Mêrdîn: Mehmet Vejdî Kahraman

Çankiri: Huseyîn Boz

Balikesîr: Yucel Yilmaz

AA

Dîroka nûkirinê: 27 Mijdar 2018, 17:42
Şîrove Bike
NÛÇEYA DI RÊZÊ DE