"Em ê şerê xwe yê dijî rêxistinên terorê bênavber bidomînin"

Serok Recep Tayyîp Erdogan: "Em şerê xwe yê dijî rêxistinên terorê li Gebar û Cûdiyê bênavber didomînin û em ê bidomînin."

"Em ê şerê xwe yê dijî rêxistinên terorê bênavber bidomînin"

Serok Recep Tayyîp Erdogan: "Em şerê xwe yê dijî rêxistinên terorê li Gebar û Cûdiyê bênavber didomînin û em ê bidomînin."

Erdogan li Denizliyê li Meydana Delîklîçinar ya 15ê Tîrmehê di vekirina komî da xitabî gel kir.

Serok Erdogan diyar kir her kes dibîne û qebûl dike ku Tirkiye pêş ketiye û wiha got: "Tenê partiya mixalefeta sereke li hember rastiyan kor, kerr û lal e. Wekî 14 hilbijartinên berê di 31ê Adarê da jî tenê projeyeke wan heye ku dixwazin AK Partî û Tayyîp Erdogan qirêj bikin, buxtanan li me bikin û êrîş bikin. Loma jî bi rêxistinên terorê ra hevkariyê dikin, berdevkiya derbeyê dikin, ji dinyayê ra giliyê Tirkiyeyê dikin û her cure kirêtiyê dikin." 

Erdogan destnîşan kir îtibara teşkîlata wan ya darazê ku ji wesayet û FETOyê hat paqijkirin, her diçe zêde dibe.

Serok Erdogan diyar kir bi MHPyê ra Îtifaqa Cumhur çêkirine û bi hev ra dikevin hilbijartinê û wiha xeberda: "Bi MHPyê ra muşterekên me hene û loma jî me Îtifaqa Cumhur çêkir. Înşellah di 31ê Adarê da em ê bi hev ra serkeftina Îtifaqa Cumhur bibînin." 

Erdogan destnîşan kir mixalefet bi rêxistinên terorê ra hev himbêz kirine û dikevin hilbijartina 31ê Adarê û got ku di koalîsyona wan da partiya ber destê rêxistina terorê jî heye.

Serok Erdogan diyar kir di nav 10 salan da me ji bona 9 milyon welatiyên xwe kar peyda kirine. 

Erdogan di xeberdana xwe da balê kişand ser bûyerên Geziyê û wiha peyivî: "Cardin di nav haziriyê da ne. Hûn beredayî li bendê ne. Heger hûn tiştekî wisa bikin hûnê berdêla wê bidin. Derketine xelkê vedixwînin kuçe û kolanan. Ev çi hal e. Hela li vê bêexlaqiyê binihêrin. Jixwe daraza wê cewaba wan bide. Tu çi dikî, ev der Parîs e? Jixwe di bûyerên Geziyê û 15ê Tîrmehê da her kesî dersa xwe hilda."

AA

Dîroka nûkirinê: 16 Kanûn 2018, 18:04
Şîrove Bike
NÛÇEYA DI RÊZÊ DE