"Em zêde rehet tevnegerin"

Wezîr Koca got, "Em zêde rehet tevnegerin. Em guh bidin bikaranîna maskeyê û ji hevdu dûr bisekinin"

"Em zêde rehet tevnegerin"

Wezîrê Tendirustiyê Fahrettîn Koca dîmenên kesên li qeraxa Modayê ya Kadikoyê guh nadin vîrusa koronayê ya nû (Kovîd-19) nêzîkî hevdu rûdinên parve kir û got "Em zêde rehet tevnegerin."

Wezîr Koca li ser hesabê xwe yê Twitterê dîmenên kesên li qeraxa Modayê ya Kadikoyê bêhna xwe didin û dema xwe derbas dikin parve kir.

Koca wiha got: "Welatiyên me yên ku bihîstin nexweşê dawîn hat tedawîkirin, di têkoşîna dijî şewbê da bi awayekî rîskek nema û em gihîştin serkeftinê, dest bi pîrozbahiyan kirin. Ji vê nûçeyê ra hê maye. Em zêde rehet tevnegerin. Em guh bidin bikaranîna maskeyê û ji hevdu dûr bisekinin."

Kovîd-19: Li Tirkiyeyê rewşa dawî (6ê Hezîranê)

Wezareta Tendirustiyê ragihand ku li Tirkiyeyê di 24 saetên dawîn de 878 pêketiyên cureya nû ya vîrusa koronayê (Kovîd-19) hatin teşxîskirin, 21 kesan ji ber Kovîd-19ê canê xwe ji dest dan.

Wezîrê Tendirustiyê Fahrettîn Koca daneyên nû yên "Tabloya Rojane ya Koronavîrusê li Tirkiyeyê" ya li ser malpera înternetê ya Wezareta Tendirustiyê, ji ser hesabê xwe yê Twitterê parve kir. Li gorî wê îro 35 hezar 846 test hatin kirin, hejmara testan gihişt 2 milyon û 303 hezar û 258an.

Herwiha 878 pêketiyên Kovîd-19ê hatin teşxîskirin, hejmara pêketiyan gihişt 169 hezar û 218an.

Di 24 saetên dawîn de 21 kesan canê xwe ji dest dan, hejmara miriyan bi giştî gihişt 4 hezar û 669an.

Di 24 saetên dawîn de bi rehetbûna 1922 kesan, hejmara rehetbûyên ji Kovîd-19ê gihişt 135 hezar û 322an.

Hejmara nexweşên di beşa nexweşiya giran de bi giştî 591 e û nexweşên girêdayî ventîlatorê jî 264 in.

- "Ji sedî 80yê pêktiyên giştî rehet bûn"

Wezîrê Tendirustiyê Fahrettîn Koca li ser hesabê xwe yê Twitterê got, "Ji sedî 80yê pêktiyên giştî rehet bûn. Hejmara nû ya rehetbûyan nêzîkî 2 hezaran e. Beşeke mezin a nexweşên pozîtîf, pêketiyên nediyar û yên li mala xwe ne. Li 81 wîlayetan hejmara nexweşên duhê razandî 41 e. Zêdetir tedbîr encamên baştir."

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE