Erdogan û Trump derbarê Sûriyeyê de axivîn

Serokê Amerîkayê Trump li ser hesabê xwe yê Twitterê daxuyaniyek da û derbarê peywendiya telefonî ya digel Serokomar Erdogan û naveroka wê nirxandin kir.

Erdogan û Trump derbarê Sûriyeyê de axivîn

Serokê Amerîkayê Donald Trump ragihand ku peywendiyeke telefonî digel Serok Recep Tayyîp Erdogan encam daye û got, "Me mijarên weke hevkariya me ya li Sûriyeyê, DEAŞ û vekişîna eskerên Amerîkayê bi şêweyekî hêdî û gelekî bi kordîne ji herêmê gotûbêj kir."

Serokê Amerîkayê Trump li ser hesabê xwe yê Twitterê daxuyaniyek da û derbarê peywendiya telefonî ya digel Serokomar Erdogan û naveroka wê nirxandin kir.

Trump di daxuyaniya xwe de wiha jî got, "Kêlîka din me digel Serokkomarê Tirkiyeyê Erdogan peywendiyeke telefonî ya dirêj û bi tesîr encam da. Me mijarên weke hevkariya me ya li Sûriyeyê, DEAŞ û vekişîna eskerên Amerîkayê bi şêweyekî hêdî û gelekî bi kordîne ji herêmê gotûbêj kir. (Yekeyên Amerîkayî) Piştî salên dirêj vedigerin malê."

Trump herwiha destnîşan kir ku di peywendiyê de derbarê têkiliyên aboriyê yên di navbera herdu welatan de jî axivîne û îfadeya "Me mijarên bazirganiyê yên berfirehkirî gotûbêj kirin" bikaranî.

Serokê Amerîkayê Trump piştî çend rojan ji peywendiya telefonê ya dawîn digel Erdogan, daxuyandibû ku dê yekeyên Amerîkayî ji Sûriyeyê vekişin.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE