Hejmara kesên di erdhejê da mirin derkete 31an

Serokatiya Rêvebiriya Rewşa Acîl û Afetê (AFAD) destnîşan kir di erdheja bi lerza 6,8an da ku navenda wê Sivriceya navçeya Elazığê ye, hejmara miriyan derkete 31an.

Hejmara kesên di erdhejê da mirin derkete 31an

AFADê daxuyand 9 hezar û 233 kon gihîştin herêmê û yên hewce dikin hatin danîn, hat tespîtkirin 76 avahî hilweşiyane, 642 avahiyan zirareke mezin dîtiye û 425 avahiyan jî kêm zirar dîtiye.

Di daxuyaniyê da hat gotin piştî erdhejê bi alîkariya AFADê 45 kes ji binê kavilan hatin derxistin, hejmara kesên mirin derkete 31an û 1547 kes jî hatin nexweşxaneyan.

Hat gotin li qadê 3 hezar û 433 xebatkarên lêgerîn û xilaskirinê dixebitin ku di nav wan da ji komên xwarin û xurekê, vejenê, ragihandinê û psîkocivakî 192 kes wezîfedar in.

AFADê destnîşan kir li herêmê 17 hezar xwarina gerê, 5 hezar taştê, 7 hezar şorbe, 13 hezar û 550 îskan çay, 6 hezar û 275 av, 6 hezar û 495 nan, 6 hezar û 286 qutî êmîş, 1251 betaniye, 1211 sobe, 23 kon û 286 cih û nîvîn hatin belavkirin.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE