Hunermendên dewletê bi berhemên xwe beşdarî çalakiyên Serfiraziya Malazgirtê bûn

Li ser daweta Wezareta Çand û Turîzmê 50 hunermendên dewletê hatin Xelata navçeya Bidlîsê ku beşek pîrozbahiyên serfiraziyê lê bi rê va diçin. Hunermendan li vir pisporiya xwe nîşanî welatiyan da û agahî dan wan.

Hunermendên dewletê bi berhemên xwe beşdarî çalakiyên Serfiraziya Malazgirtê bûn

Hunermendên dewletê yên ku bi hunera destê xwe berhemên herêmî û kenvare yên wekî berhemên darîn, çînî, berhemên paxir, cil û coran çêdikin da ku neyên jibîrkirin û nifşên nû jî hîn bibin, berhemên xwe yên rind û sipehî di çalakiyên Serfiraziya Milazgirê da nîşan dan.

Li ser daweta Wezareta Çand û Turîzmê 50 hunermendên dewletê hatin Xelata navçeya Bidlîsê ku beşek pîrozbahiyên serfiraziyê lê bi rê va diçin. Hunermendan li vir pisporiya xwe nîşanî welatiyan da û agahî dan wan.

Hunermendan li ciyên ku ji bo wan li Baxçeyê Milet a li tanga Çarhoyê hat terxankirin, hunera xwe îcra kirin, berhemên resen ên herêma xwe çêkirin û ji bo ku welatî bibînin nîşan dan.

Hunermendê berhemên darîn ê Meletiyî Çetin Gedik ji peyamnêrê AAyê ra diyar kir, ew zehf bextewar e ku beşdarî çalakiyên salvegera 950yan a Serfiraziya Milazgirê bû.

Gedik wiha axivî, "Yekem car e ez beşdarî çalakiyên Serfiraziya Milazgirê dibim. Ez sipasiya sazkarên çalakiyê dikim. Ew yek tiştekî zehf xweş e ku însan li vê derê kom bûne û hatine cem hev."

Hunermenda çîniyên kuvars a Bursayî Sevgî Vardarli Înanê jî destnîşan kir ku ew karoyan çêdikin ku di mizgeft û qesran da dihatin emilandin û bi sedan salan li ber xwe didin.

Înalê bal kişand, ji zewqeke wê ye sereke ew e ku berhemeke mayînde ji dûhatiyê ra bihêle û wiha dewam kir:

"Qedera 20 salan e ez çîniyan çêdikim. Ez hunermenda dewletê me. Her wisa Xelat mîna muzeyeke servekirî ye. Hunerên destan li vir hatin cem hev û ev yek jî nîşaneya çandekê ye. A ku me derbasî siberojê dike çand e. Hatina cem hev a çandan û ya hunerên ku dê me bigihînin siberojê tiştekî miezem e. Pir baş hizirîne."

- "Bi saya van çalakiyan derfet çêdibe ku em qala hunera xwe bikin"

Hosteyê çîmonê Emrah Kaya jî bal kişand ku ew li ser amûrên muzîkê yên jibîrbûyî xebatan dikin û wiha dewam kir:

"Wezaret piştgiriyê dide xebatên min. Li vir firsend da me ku em pêşangehekê vekin. Ez li vir hewl didim çîmon û enstrumanên din ên jibîrbûyî bi gel bidim nasandin. Bi saya van çalakiyan derfet çêdibe ku em qala hunera xwe bikin.

Ez zehf sipasiya Brêz Serokomarê me û Wezareta me ya Çand û Turîzmê dikim ku em anîn vir. Li vir her tişt li gorî me hatiye eyarkirin. Em bi însanan ra dikevin diyalogê û ji wan ra qala hunera xwe dikin. Ev ji bo me firsendeke mezin e."AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE