Ji Serok Erdogan peyama bo Patrîkê Ermeniyên Türkiyeyê Maşalyan

Serok Erdogan peyamek ji Patrîkê Ermeniyên Türkiyeyê Maşalyan ra şand

Ji Serok Erdogan peyama bo Patrîkê Ermeniyên Türkiyeyê Maşalyan

 Serokomar Recep Tayyip Erdogan ji Patrîkê Ermeniyên Tirkiyeyê Sahak Maşalyan ra peyamek şand û got: "Şûna ku em êşan mezin bikin, divê em ji yekîtiya xwe ya xurt a ku digîhêje hezar salî îlhamê bigirin û dahatûyê bi hev ra ava bikin."

Li gor daxuyaniya Serokatiya Ragihandinê ya Serokomariyê, Erdogan ji Patrîkê Ermeniyên Tirkiyeyê Sahak Maşalyan ra peyamek şand.

Ermenî îro ji bo ku Ermeniyên Osmanî yên di Şerê Dinyayê ya Yekemîn da mirine bi bîr bînin di bin banê Patrîkxaneya Ermeniyên Stenbolê da civiyan.

Erdogan di peyama xwe da silav da Ermeniyên civiyane û got ew Ermeniyên Osmanî bi rêzdarî bi bîr tîne, him ji bo wan û him jî ji bo hemû welatiyên Osmaniyan dibêje rehma Xwedê li wan be.

Serokomar Erdogan daxuyand Şerê Dinyayê ya Yekemîn ji bo milyonan ewladê Osmaniyan heyameke pir biêş bû.

Erdogan got divê êşên hevpar, bêyî ku meriv li dîn, nijad û çandê binihêre bên parvekirin ku ev wezîfeya mirovahiyê ye û wiha axivî: "Şûna ku em êşan mezin bikin, divê em ji yekîtiya xwe ya xurt a ku digîhêje hezar salî îlhamê bigirin û dahatûyê bi hev ra ava bikin. Her wiha me bi cînarê xwe Ermenistanê ra ji ber vê armancê pêvajoyeke erênî da destpêkirin. Ez dizanim ku welatiyên me Ermenî jî pişgiriyê didin vê pevajoya normalbûnê ya di navbera her du welatan û ez girîngiyê didim vê. Piştî salên dûr û dirêj derfeteke wiha dîrokî li ser navê aramî û sîtiqrara herêma me derket holê ku ez dixwazim hûn jî bi awayekî xurt piştgiriyê bidin vê. Ez dixwazim hûn bawer bikin ku ji bo welatiyên me yên Ermenî yên di jiyana me ya beşerî û çandî da şopên nayên jibîrkirin hiştîne di nav aramî û ewlehiyê da bijîn em ê her cure hewlê bidin."

Serokomar silav û hurmetên xwe pêşkeşî hemû welatiyên beşdarî merasima bibîrnanînê bûne, kir.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE