NYê daxuyand ku 368 hezar Ukraynayî derbasî welatên cînar bûn

Mantooyê daxuyand, jimara kesên ku li nava welêt ji cî û warên xwe bûne, hê di destê wan da tuneye. 

NYê daxuyand ku 368 hezar Ukraynayî derbasî welatên cînar bûn

Neteweyên Yekbûyî (NY) ragihand, piştî ku Rûsyayê êrîşî Ukraynayê kir, 368 hezar kes derbasî welatên cînar bûn.

Berdevka Komîseriya Bilind a Penaberan a NYê (KBPNY) Shabia Mantooyê pirsên li ser rewşa sivîlên Ukraynayê bersivandin.

Mantooyê daxuyand, jimara kesên ku li nava welêt ji cî û warên xwe bûne, hê di destê wan da tuneye. 

Mantooyê destnîşan kir, vê gavê tenê jimara penaberan di destê wan da heye û li gor jimarê 368 hezar kesan xwe spartine welatên cînar.

Berdevk Shabiayê duh daxuyanî dabû AAyê û diyar kiribû ku piştî Rûsyayê êrîşî Ukraynayê kir, li nav welêt ji 100 hezarî zêdetir sivîl ji cî û warên xwe bûn, 116 hezar sivîl jî ji sînorên navneteweyî derbas bûn û xwe spartin welatên cînar.

Mantooyê wiha xeberdabû, "Ber bi sînorên navneteweyî û di navbera van sînoran da rapora çûyîn û hatinên mezin tê girtin. Rewş serê her saetê diguhere."

KBPNY hişyariyê dide ku, hee li Ukraynayê reşw xerabtir bibe, qasî 4 milyon sivîlan dibe ku ji welêt birevin.AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE