Rayedarên Tirk û Siûdî ji bo Kaşikçi hatin cem hev

Rayedarên Tirk û Siûdî yên di koma xebatê ya lêkolîna der heqê rojnameger Cemal Kaşikçi da, ku çûbû Konsolosxaneya Erebistana Siûdî li Stenbolê û paşê wenda bûbû, li Midûriyeta Ewlekariya Stenbolê hatin cem hev.

Rayedarên Tirk û Siûdî ji bo Kaşikçi hatin cem hev

Rayedarên Tirk û Siûdî yên di koma xebatê ya lêkolîna der heqê rojnamegerê Siûdî û nivîskarê Washington Postê Cemal Kaşikçi da, ku çûbû Konsolosxaneya Erebistana Siûdî li Stenbolê û paşê wenda bûbû, li Midûriyeta Ewlekariya Stenbolê hatin cem hev.

Li gorî agahiyê, lêpirsîna der heqê nivîskarê Washington Postê Cemal Kaşikçi da, ku wekî yek ji rojnamegerên herî bihêz ê Rojhilata Navîn tê destnîşankirin û di 2yê cotmehê da çûbû Konsolosxaneya Erebistana Siûdî li Stenbolê û paşê tu xeber jê nehatibû hildan, berdewam e.

Koma xebatê ya lêkolîna der heqê wendabûna rojnameger Kaşikçi ya ku ji aliyê rayedarên Tirkiye û Erebistana Siûdî hatibû damezirandin, dest bi xebatê kir.

Rayedarên Tirk û Siûdî yên ku di saet 13.00an da hatin Midûriyeta Ewlekariya Stenbolê ya li ser Kolana Vatanê, li hev civiyan.

AA

Divê hûn ji bo şîroveyan bibin endam.

Ger hûn endam nebin niha bibin endam an jî têkeve malperê.

NÛÇEYA DI RÊZÊ DE